कम्प्यूटर, टेलीविजन अऊ मोबाइल बीस मिनट तक उपयोग करे के बाद 20 सेकंड तक दव आँखी ल आराम

रायपुर, सितमबर 2017। कम्यूटर, टेलीविजन अऊ मोबाइल आदि बीस मिनट तक उपयोग करे के बाद 20 सेंकड तक ऑखी ल आराम देना चाही, नइ तो कंप्यूटर विजन सिंड्रोम नाम के बीमारी होए के संभावना बाढ़ जाथे। स्वास्थ्य विभाग के अधिकारी मन ह आज इहां बताइन कि अभी हाल म मनखे मोबाइल, टीवी, कम्प्यूटर, लैपटॉप, वीडियो गेम आदि के उपयोग भरपूर करत हे जेखर सेती आँखी ल आराम नइ मिल पात हे। एखर से कंप्यूटर विजन सिंड्रोम नाम के बीमारी होए के संभावना बाढ़त हे। एखर से बचे बर 20-20 मिनट तक ए इलेक्ट्रॉनिक वस्तु मन के उपयोग करना चाही। एखर बाद आँखी ल 20 सेकंड आराम देना चाही। 20 सेकंड आंख बंद करके आराम देहे जा सकत हे या 20 फीट दूरिहा कोनो वस्तु ल देखना चाही जेखर से आँखी ल आराम मिल जथे। अधिकारी मन ह बताइन कि आँखी म सही दृष्टि रखे बर हरियर पत्तेदार साग, आमा, अरन पपई, गाजर, मुनगा, कोहड़ा आदि के सेवन करना चाही। विटामिन अउ प्रोटीन बर दूध, मछरी, अंडा, सोयाबीन के सेवन करना चाही। भरपूर मात्रा म पानी के सेवन करना चाही। साफ पानी ले आँखी ल तीन-चार पइत धोना चाही। घर ले बाहर जाय म आँखी कि सुरक्षा बर सादा चश्मा अउ धूप म रंगीन चश्मा के उपयोग करना चाही।