राजभवन म राज्य स्तरीय शिक्षक सम्मान समारोह

मुख्यमंत्री प्रदेश के 45 शिक्षक मन ल सम्मानित करहीं
स्कूल शिक्षा विभाग अऊ राष्ट्रीय शिक्षक कल्याण प्रतिष्ठान के आयोजन

रायपुर, 04 सितमबर 2017। मुख्यमंत्री डॉ. रमन सिंह काल 5 सितमबर शिक्षक दिवस के अवसर म इहां राजभवन म आयोजित राज्य स्तरीय शिक्षक सम्मान समारोह म प्रदेश के 45 उत्कृष्ट शिक्षक मन ल सम्मानित करहीं। एमां ले 41 शिक्षक मन ल राज्य शिक्षक सम्मान अऊ चार शिक्षक मन ल प्रदेश के महान साहित्यकार मन के नाम म सम्मानित करे जाही। सम्मान समारोह बिहनहे 11 बजे राजभवन के दरबार हॉल म आयोजित करे जाही। छत्तीसगढ़ विधानसभा के अध्यक्ष श्री गौरीशंकर अग्रवाल समारोह के अध्यक्षता करहीं। स्कूल शिक्षा अऊ आदिम जाति विकास मंत्री श्री केदार कश्यप अउर संसदीय सचिव श्री अम्बेश जांगड़े विशिष्ट अतिथि के रूप म समारोह म मौजूद रहिहीं। समारोह के आयोजन स्कूल शिक्षा विभाग अऊ राष्ट्रीय शिक्षक कल्याण परिषद के छत्तीसगढ़ इकाई कोति ले करे जात हे।

समारोह म राज्य शिक्षक पुरस्कार साल 2016 बर चुने गए 41 शिक्षक मन म ले हर एक ल 21 हजार रूपिया के राशि अउ प्रशस्ति पत्र ले सम्मानित करे जाही। एकर अलावा चार शिक्षक मन ल प्रदेश के महान साहित्यिक विभूति मन के नाम म राज्य शिक्षक सम्मान स्मृति पुरस्कार ले सम्मानित करे जाही। एमां ले हर एक ल 50 हजार रूपिया अऊ प्रशस्ति पत्र के संग सम्मानित करे जाही। प्रदेश के आठ सरकारी स्कूल मन ल राज्य शासन कोति ले उत्कृष्ट विद्यालय घोषित करे गए हे। ए स्कूल मन ल घलोक शिक्षक दिवस समारोह म पुरस्कृत करे जाही। उत्कृष्ट विद्यालय के रूप म प्राथमिक, पूर्व माध्यमिक, हाईस्कूल अऊ हायर सेकेण्डरी स्तर के दू-दू स्कूल मन के चयन करे गए हे।




राज्य शिक्षक पुरस्कार 2016

समारोह म राज्य शिक्षक पुरस्कार 2016 ले सम्मानित होवइया शिक्षक ए प्रकार हें:- कोरबा जिला ले उच्‍च श्रेणी शिक्षक श्री सुरेन्द्र कुमार सोनी अऊ सहायक शिक्षिका श्रीमती गीता देवी, बालोद जिला ले व्याख्याता पंचायत श्रीमती बाला कौशल अऊ प्रधानपाठक श्री परदेशी राम, रायगढ़ जिला के व्याख्याता श्री लाला राम साहू अऊ प्रधानपाठक श्री राजेन्द्र कुमार चौहान, जांजगीर-चाम्पा जिला ले शिक्षका श्रीमती जयंती दुबे अऊ उच्‍च श्रेणी शिक्षक श्री घनश्याम कुमार देवांगन, धमतरी जिला ले प्रधान पाठक श्री देवेन्द्र कुमार दादर अऊ व्याख्याता श्री नारायण साहू, कांकेर जिला ले प्रधान पाठक भारत राम कुलदीप अऊ व्याख्याता श्रीमती रचना श्रीवास्तव, रायपुर जिला ले व्याख्याता श्री गोविन्द प्रसाद वर्मा अऊ व्याख्याता श्री दाऊराम निर्मलकर, राजनांदगांव जिला ले शिक्षक श्री धनेशराम सिन्हा अऊ शिक्षका श्रीमती कमला सिन्हा, महासमुंद जिला ले शिक्षक पंचायत श्री हेमेंत खुंटे अऊ शिक्षक श्री रामकुमार साहू, बेमेतरा जिला ले व्याख्याता श्री सुनिल झा अऊ व्याख्याता पंचायत श्री कल्याण साहू, बिलासपुर जिला ले व्याख्याता पंचायत श्री विद्याभूषण शर्मा अऊ शिक्षक श्री रामेश्वर राठौर, दुर्ग जिला ले व्याख्याता पंचायत श्रीमती सपना सोनी अऊ प्राचार्य श्री प्रीति गुप्ता, बलरामपुर जिला ले प्रधान पाठक श्री गोपालदास गोलदार अऊ व्याख्याता श्रीमती सैरोफिना टोप्पो, बलौदाबाजार जिला ले प्रधान पाठिका श्रीमती टीकेश्वरी पटेल अऊ शिक्षाकर्मी वर्ग-2 श्री डाकेश्वर प्रसाद वर्मा, सक्ती ले शिक्षक श्री कन्हैया लाल कंवर अऊ शिक्षक श्री बालकृष्ण पटेल, जगदलपुर जिला ले व्याख्याता श्रीमती मनीषा खत्री अऊ शिक्षक श्री बीएल निषाद, कबीरधाम जिला ले शिक्षक पंचायत वर्ग-2 कुमारी भगवती हठीले अऊ व्याख्याता श्री हेमधर साहू, सूरजपुर ले प्रधान पाठक श्री बी.एल. कुशवाहा, कोरिया ले शिक्षिका श्रीमती असरीता बड़ा, कोण्डागांव जिला ले शिक्षक श्री सत्यप्रकाश पाण्डेय अऊ शिक्षक श्री अजय शर्मा, मुंगेली जिला ले प्रधानपाठक श्री टेकराम टोण्डे अऊ प्रधानपाठक श्री नंदन प्रसाद देवांगन, सुकमा ले व्याख्याता श्रीमती ट्रिजा डिलैला दास ।




प्रदेश के साहित्यिक विभूति मन के नाम म पुरस्कार 2015-16

खैरागढ़ के श्री विनय शरण सिंह ल ‘डॉ. पदुमलाल पुन्नालाल बख्शी स्मृति पुरस्कार’, कांकेर के डॉ. श्रीमती उर्मिला श्रवण ल ‘श्री गजानंद माधव मुक्तिबोध स्मृति पुरस्कार’, रायगढ़ के श्री सच्चिदानंद पटनायक ल ‘डॉ. मुकुटधर पाण्डेय स्मृति पुरस्कार’ अऊ महासमुंद जिला के श्री रमेश कुमार सोनी ल ‘डॉ. बलदेव प्रसाद मिश्र स्मृति पुरस्कार’।

उत्कृष्ट विद्यालय पुरस्कार

प्राथमिक शाला मेड़ेसरा जिला दुर्ग ल पहिली, प्राथमिक शाला चिचौद जिला बालोद ल दूसरी, वहीं मिडिल स्कूल श्रेणी म शासकीय कन्या माध्यमिक आवासीय शाला अंतागढ़ जिला कांकेर ल पहिली, शासकीय पूर्व माध्यमिक शाला उड़कुड़ा जिला कांकेर ल दूसरी पुरस्कार दे जाही। हाईस्कूल श्रेणी म शासकीय हाईस्कूल गिरहोला जिला कांकेर ल पहिली, शासकीय हाईस्कूल खैराझिटी जिला धमतरी ल दूसरी स्थान अउर हायर सेकेण्डरी श्रेणी म श्रीराम शर्मा (मिन्टू शर्मा) ल शासकीय उच्चतर माध्यमिक विद्यालय डुमरतराई जिला रायपुर ल पहिली अऊ शासकीय कन्या उच्चतर माध्यमिक विद्यालय सरकण्डा जिला बिलासपुर ल दूसरी पुरस्कार दे जाही। पुरस्कार बर चुने गे प्राथमिक शालाओं ल 10-10 हजार रूपिया अऊ मिडिल स्कूल मन ल 15-15 हजार रूपिया के राशि दे जाही। उन्‍हें पुरस्कार बर चुने गे हाई स्कूल मन ल 20-20 हजार रूपिया अउर हायर सेकेण्डरी स्कूल मन ल 25-25 हजार रूपिया के राशि प्रदान के जाही।