शिक्षक दिवस 2017 राष्ट्रपति आज छत्तीसगढ़ के छै शिक्षक मन ल करहीं सम्मानित

रायपुर, 04 सितमबर 2017। राष्ट्रपति श्री रामनाथ कोविंद काल पांच सितमबर के दिन शिक्षक दिवस के अवसर म नई दिल्ली म आयोजित समारोह म छत्तीसगढ़ के छै शिक्षक मन ल राष्ट्रीय पुरस्कार ले सम्मानित करहीं। एमां बस्तर जिला के व्याख्याता श्री योगेश्वर प्रसाद सिन्हा, कोरबा जिला के प्राचार्य श्रीमती डॉ. फरहाना अली, बरोदा बाजार महासमुंद जिला के शिक्षक श्री अशोक गिरी गोस्वामी, घरघोड़ा रायगढ़ जिला के शिक्षका श्रीमती सुभाषिणी पटनायक, बलौदाबाजार-भाटापारा जिला के प्रधान पाठक श्री केशव प्रसाद वर्मा अऊ सूरजपुर जिला के प्राथमिक शाला के शिक्षक श्री गोरेलाल गुप्ता सामिल हें। एमा हर एक शिक्षक ल 50-50 हजार रूपिया के राशि अउ चांदी के मेडल अऊ प्रशस्ति पत्र राष्ट्रपति के हाथ प्रदान करे जाही।