स्वच्छता बर पंचायत स्तर म निबंध अऊ छोटे फिल्म निर्माण प्रतियोगिता

प्रविष्टि 06 सितंबर तक : उठावव मोबाईल अउ बनावव फिलिम, पावव इनाम

बिलासपुर, 05 सितम्‍बर 2017। भारत सरकार पेयजल अउ स्वच्छता मंत्रालय के गिलौली म स्वच्छ संकल्प ले स्वच्छ सिद्धी तक कार्यक्रम के तहत् ग्राम पंचायत स्तर म निबंध लेखन अऊ छोटे फिल्म निर्माण प्रतियोगिता आयोजित करे जात हे।
पहिली प्रतियोगिता ’’मै स्वच्छता बर का करहूं’’ विसय के अंतर्गत 250 शब्द के सीमा म निबंध प्रतियोगिता होही। जेमां जम्‍मो ग्रामवासी हिस्सा ले सकत हें। निबंध के संग निबंध लिखइया के नाम, पता अउ मोबाईल नं. होना चाही। दूसर प्रतियोगिता ’’भारत ल स्वच्छ बनाए म मोर योगदान’’ विसय म 2 ले 3 मिनट के छोटे फिल्म मोबाईल कैमरा आदि के माध्यम ले तैयार करे जाना हे। ये प्रतियोगिता म सबो ग्रामवासी हिस्सा ले सकत हें। उघु फिल्म के संग ओला बनइया के नाम, पता अउ मोबाईल नं. होना चाही। ए प्रतियोगिता ल ग्राम के सामुदायिक भवन, पंचायत भवन अउ शाला भवन म सरपंच अउ सचिव कोति ले आयोजित करके 06 सितंबर तक आए प्रविष्टि मन ल मंझनिया तक जनपद पंचायत कार्यालय के स्वच्छता प्रकोष्ठ म जमा कराना होही। एकर पाछू जम्‍मो प्रविष्टि मन के एकजई सूची तइयार कर के जिला पंचायत के एस.बी.एम. सेल म 06 सितंबर 2017 के दिन संझा तक जमा करवाना होही। एखर बर सचिव, पंचायत ल पंचायत स्तर म प्रभारी अउ जनपद स्तर म संबंधित जनपद के सीईओ ल नोडल अधिकारी बनाए गए हे। एखर संबंध म पी.एच.ई. के सहायक अभियंता, उपअभियंता घलोक सहयोग करहीं। एखर बर ओ मन विकासखण्ड शिक्षाअधिकारी, संकुल समन्वयक ले समन्वय बनाके काम करहीं।