मुख्यमंत्री ह बालोद म करिस 73.62 करोड़ के निर्माण काम मन के लोकार्पण-भूमिपूजन

शासकीय जिला अस्पताल भवन घलोक लोकार्पित

रायपुर, 06 सितम्‍बर 2017। मुख्यमंत्री डॉ. रमन सिंह ह आज जिला मुख्यालय बालोद म 73 करोड़ 62 लाखरूपए के कई ठन निर्माण कार्य के लोकार्पण, भूमिपूजन अऊ शिलान्यास करिन। लोकार्पित निर्माण काम मन म सात करोड़ 84 लाख रूपिया के लागत ले निर्मित शासकीय जिला अस्पताल भवन, करीबन 12 करोड़ 71 लाख रूपिया के लागत के मातृ अउ शिशु स्वास्थ्य (एम.सी.एच) भवन, तीन करोड़ 14 लाख रूपिया के लागत के अर्जुन्दा म निर्मित पेयजल जल आवर्धन योजना, दू करोड़ 95 लाख रूपिया के लागत ले चिखलाकसा म निर्मित जल आवर्धन योजना घलोक सामिल हे। उमन जऊन काम मन के शिलान्यास करिन ओमां 23 करोड़ 16 लाख रूपिया लागत ले पॉच ब्लाक मुख्यालय मन म अधिकारी मन बर बनइया घर, 16 करोड़ एक लाख रूपिया लागत ले बनइया एकलव्य आदर्श आवासीय विद्यालय भवन, एक करोड़ 78 लाख 88 हजार रूपिया लागत ले बालोद म बनइया पोस्ट मैट्रिक आदिवासी कन्या छात्रावास भवन, करीबन एक करोड़ 78 लाख रूपिया के लागत के अर्जुन्दा म पोस्ट मैट्रिक आदिवासी कन्या छात्रावास भवन अऊ 32.35 लाख रूपिया लागत ले ग्राम उरझे ले दिघवाड़ी तक बनइया पहुंच मार्ग सामिल हे। कार्यक्रम म मुख्यमंत्री ह कई ठन योजना मन के तहत लगभग तीन सौ हितग्राही मन ल सहायता राशि अऊ अनुदान सामान के वितरण करिन।