मुख्यमंत्री ले आरंग विकासखण्ड के नागरिक मन के प्रतिनिधि मंडल करिस मुलाकात

रायपुर, 07 सितमबर 2017। मुख्यमंत्री डॉ. रमन सिंह ले आज संझा इहां उंखर निवास कार्यालय म पूर्व विधायक श्री संजय ढीढी के नेतृत्व म रायपुर के आरंग विकासखण्ड ले आए नागरिक मन के प्रतिनिधि मंडल ह मुलाकात करिन। उमन साल 2016 अऊ साल 2017 म किसान मन के समर्थन मूल्य म धान के खरीदी म बोनस के घोषणा बर मुख्यमंत्री ल धन्यवाद दीन। उमन आरंग के कुरूद ग्राम म श्री गोवर्धन साहू के हत्या के कोसिस करइया मनखे मन उपर कड़क कार्रवाई करे अऊ ए घटना म घायल श्री गोवर्धन साहू के इलाज बर सहायता देवाए के आग्रह करिन। मुख्यमंत्री ह घटना के जांच कराए अऊ इलाज बर हर संभव मदद के भरोसा देवाइन। प्रतिनिधि मंडल म सर्वश्री अमरनाथ वर्मा, राजन चन्द्राकर, रामजी वर्मा, कृष्णा वर्मा, पीला राम निषाद, लखन साहू, दुकालूराम गायकवाड़, विश्वनाथ वर्मा, विश्वनाथ नायक, पूरनलाल निषाद अऊ श्री नमित यादव सामिल रहिन।