मुख्यमंत्री ले अखिल भारतीय यादव महासभा के प्रतिनिधि मंडल करिस मुलाकात

रायपुर, 07 सितमबर 2017। मुख्यमंत्री डॉ. रमन सिंह ले आज संझा इहां ऊंखर निवास कार्यालय म अखिल भारतीय यादव महासभा के प्रतिनिधि मंडल ह छत्तीसगढ़ इकाई के प्रांताध्यक्ष श्री वृन्दावन यादव के नेतृत्व म सौजन्य मुलाकात करिन। उमन मुख्यमंत्री ल बताइन कि राजधानी रायपुर म ए महिना के 24 तारीक ल अखिल भारतीय यादव महासभा के राष्ट्रीय कार्यकारिणी के बैठक अऊ प्रादेशिक महासम्मेलन आयोजित करे जात हे। प्रतिनिधि मंडल ह मुख्यमंत्री ल ए सम्मेलन म मुख्यअतिथि के रूप म सामिल होए के आमंत्रण दीस। मुख्यमंत्री ह ओ मन ल आमंत्रण बर धन्यवाद देवत कार्यक्रम के सफलता बर शुभकामना दीन। प्रतिनिधि मंडल म अखिल भारतीय यादव महासभा के महामंत्री श्री रमेश यादव, सचिव श्री कमल यादव संग सर्वश्री सुन्दरलाल यादव, जगनिक यादव, परदेशी यादव अऊ नन्दलाल यादव सामिल रहिन।