राजभाषा आयोग के अध्यक्ष डॉ. विनय पाठक ल सारस्वत सम्मान

रायपुर, 08 सितम्‍बर 2017। छत्तीसगढ़ राजभाषा आयोग के अध्यक्ष डॉ. विनय कुमार पाठक ल उत्तर प्रदेश के रसूलाबाद (इलाहाबाद) म ए महीना के 11 तारीख के दिन आयोजित कार्यक्रम म सारस्वत सम्मान ले नवाजे जाही। ये वाले कार्यक्रम हिन्दी के लोकप्रिय कवियत्री श्रीमती महादेवी वर्मा के 30वां पुण्यतिथि के अवसर म रसूलाबाद के साहित्यकार संसद भवन म आयोजित करे जाही। उत्तर-मध्य क्षेत्र सांस्कृतिक केन्द्र के निदेशक श्री वीरेन्द्र सिंह कार्यक्रम के मुख्य अतिथि होही। सुप्रसिद्ध गीतकार श्री सोम ठाकुर ल घलोक ए अवसर म सारस्वत सम्मान ले नवाजे जाही। समारोह के अध्यक्षता डॉ. सुरुज प्रसाद दीक्षित करहीं। ए मौका म अखिल भारतीय कवि सम्मेलन घलोक होही। ये मां सर्वश्री सोम ठाकुर (आगरा), सुरेश उपाध्याय (होशंगाबाद), डॉ. रमा सिंह ठाकुर (गाजियाबाद), रामलखन शुक्ल (मानकपुर) घलोक सामिल होहीं।



संजीव तिवारी

ठेठ छत्तीसगढ़िया. इंटरनेट में 2007 से सक्रिय. हिन्‍दी के शुरूआती चुनिंदा ब्लॉगर में से एक. छत्तीसगढ़ी भाषा की पहली वेब मैग्‍जीन और न्‍यूज पोर्टल का संपादक. बड़बोला वकील और सोसल मीडिया टेक्‍नोक्रेट.