जल संसाधन मंत्री श्री अग्रवाल ह केन्द्रीय जल संसाधन मंत्री ले करिन मुलाकात

रायपुर, 08 सितमबर 2017। जल संसाधन मंत्री श्री बृजमोहन अग्रवाल ह नई दिल्ली प्रवास के बेरा म नवा केन्द्रीय जल संसाधन मंत्री श्री नितिन गडकरी ले सौजन्य मुलाकात करिन। श्री अग्रवाल ह ए मुलाकात के समय श्री गडकरी ल छत्तीसगढ़ म सिंचाई सुविधा मन के विकास बर राज्य सरकार कोति ले करे जात काम मन अउ उपलब्धि मन के जानकारी दीन। उमन बताइन कि छत्तीसगढ़ म सिंचाई सुविधा बढ़ाए ल अभियान लक्ष्य भागीरथी शुरू करे गए हे। ए महत्वाकांक्षी अभियान के माध्यम ले छत्तीसगढ़ म शत-प्रतिशत सिंचाई क्षमता प्राप्त करे बर तेजी ले काम करे जात हे। श्री अग्रवाल ह बताइस कि ए अभियान के शुरूआत के पहिली सालेच म 106 अधूरा सिंचाई योजना मन ल पूरा करे गए हे।