शिक्षा मंत्री श्री कश्यप ह छोटेडोंगर इलाका के मनखे मन ल दीन 5 करोड़ रूपिया के विकास काम मन के सौगात

छोटेडोंगर अउ महिमागवाड़ी म नवीन हायर सेकेण्डरी स्कूल भवन के लोकार्पण
अहाता निर्माण अउ शौचालय निर्माण के दीन मंजूरी

नारायणपुर 08 सितम्‍बर 2017। प्रदेश के स्कूल शिक्षा अउ आदिम जाति कल्याण मंत्री श्री केदार कश्यप ह अपन विधानसभा क्षेत्र के प्रवास के बेरा छोटेडोंगर ईलाका के मनखे मन ल 5 करोड़ रूपिया के विकास काम मन के सौगात दीन। ए मौका म उमन छोटेडोंगर अउ महिमागवाड़ी म 3 करोड़ 30 लाख रूपिया के लागत ले नवनिर्मित नवीन हायर सेकेण्डरी स्कूल भवन निर्माण के लोकार्पण करिन। उन्‍हें छोटेडोंगर म आदिवासी उपयोजना अंतर्गत एक करोड़ 63 लाख रूपिया के लागत ले निर्मित होवइया बालक आश्रम भवन के भूमिपूजन करिन। स्कूल शिक्षा मंत्री श्री कश्यप ह ए दौरान छोटेडोंगर हायर सेकेण्डरी स्कूल भवन के अवलोकन करिन। उन्‍हें प्रयोगशाला अउ आन कक्षा मन के अवलोकन करके लइका मन के पढ़ाई के बारे म विस्तारपूर्वक जानकारी लीन। ए दौरान उमन ओ स्कूल म स्मार्ट क्लास बर सबो जरूरी व्यवस्था सुनिश्चित करे के निर्देश दीन। एखर संगेंच छात्र-छात्रा मन के मांग म अहाता निर्माण अउ शौचालय निर्माण संग सांस्कृतिक कार्यक्रम बर रंगमंच निर्माण के मंजूरी दीन। ए मौका म जिला पंचायत अध्यक्ष श्रीमती प्रमिला उईके संग क्षेत्र के पंचायत प्रतिनिधी अऊ कलेक्टर श्री टोपेश्वर वर्मा, पुलिस अधीक्षक श्री संतोष सिंह, सीईओ जिला पंचायत श्री अशोक चौबे के अलावा जिला प्रशासन के अधिकारी अउ शिक्षक-शिक्षिका मन अऊ बड़ संख्या म स्कूली छात्र-छात्रा मन मौजूद रहिन।