कोरिया म राष्ट्रीय पोषण आहार हफ्ता कार्यक्रम संपन्न

कोरिया 09 सितम्‍बर 2017। जिला म लइका मन ल स्वस्थ्य अऊ तंदुरूस्त बनाये रखे बर एक सितंबर ले राष्ट्रीय पोषण आहार हफ्ता कार्यक्रम के आयोजन करे गीस। जेखर विधिवत समापन पाछू 7 सितंबर के दिन जिला मुख्यालय स्थित मानस भवन म करे गीस। जिहां बड संख्या म महिला मन अऊ लइका मन उपस्थित रहिन।




राष्ट्रीय पोषण आहार हफ्ता कार्यक्रम के समापन समारोह ल महिला अउ बाल विकास विभाग के जिला कार्यक्रम अधिकारी चंद्रेश सिंह सिसोदिया ह संबोधित करिस। समापन समारोह के अवसर म महिला अउ बाल विकास अधिकारी श्री रमाकांत चंद्राकर ह पोषण आहार हफ्ता के विवरण प्रस्तुत करिस। समारोह म जिला के सबो परियोजना अधिकारी, आंगनबाडी कार्यकर्ता, महिला स्‍व सहायता समूह के सदस्य, चाईल्ड लाईन, सखी वन स्टाफ सेंटर, बाल गृह बालक, जिला बाल संरक्षण इकाई के अधिकारीगण उपस्थित रहिन।