स्कूली शिक्षा मंत्री श्री कश्यप ह एजुकेशन हब के निर्माण काम मन के लीन जायजा

निर्माण काम मन ल तेजी के संग संचालित करे के निर्देश
आदर्श बालक आवासीय विद्यालय भवन अउ पॉलटेक्निक भवन ल जल्‍दी पूरा करे के निर्देश

नारायणपुर, 09 सितम्‍बर 2017। प्रदेश के स्कूली शिक्षा मंत्री श्री केदार कश्यप ह नारायणपुर प्रवास के बेरा एजुकेशन हब गरांजी म निर्माण काम मन के जायजा लीन अउ निर्माण काम मन ल तेजी के संग संचालित कर बर तय समयावधि म पूर्ण करे के निर्देश अधिकारी मन ल दीन। ए दौरान उमन आदर्श बालक आवासीय विद्यालय भवन ल आगामी 30 सितम्‍बर तक अनिवार्य रूप ले पूरा करे ल कहिन अउ ओ भवन म संस्था ल शिफ्ट करे निर्देशित करिन। एखरे संग पॉलटेक्निक भवन अउ छात्रावास भवन के निर्माण काम ल अतिशीघ्र पूरा करके संबंधित भवन मन म संस्था मन के संचालन शुरू करे के निर्देश अधिकारी मन ल दीन। उमन मॉडल स्कूल भवन म विद्युतीकरण अउ विद्युत कनेक्शन के काम एक हफ्ता के भीतर पूरा करके मुख्यमंत्री डीएव्ही पब्लिक स्कूल ल संबंधित नवीन भवन म संचालित करे के निर्देश अधिकारी मन ल दीन। ए दौरान स्कूली शिक्षा मंत्री श्री कश्यप ह माहका म 5 करोड़ रूपया के लागत ले बनत इंडोर स्टेडियम के घलोक जायजा लीन अउ ओ निर्माण काम ल अवइया 31 अकटूबर तक खच्चित पूरा करे के निर्देश दीन। ए दौरान कलेक्टर श्री टोपेश्वर वर्मा, सीईओ जिला पंचायत श्री अशोक चौबे संग क्षेत्र के जनप्रतिनिधी अउ पंचायत पदाधिकारी अऊ जिला प्रशासन के अधिकारी मौजूद रहिन।