गरियाबंद म सुने गीस ‘रमन के गोठ’ : धान छत्तीसगढ़ के जान हे – डॉ. रमन सिंह

गरियाबंद, 10 सितम्‍बर 2017। मुख्यमंत्री डॉ. रमन सिंह ह अपन रेडियो प्रसारण रमन के गोठ म कहिन कि धान के फसल छत्तीसगढ़ के जान हे। धान ले ही कुटुंब के जीवन-यापन चलथे। धान के फसल के प्रदेश के अर्थव्यवस्था म महत्वपूर्ण योगदान हे। जिला म रमन के गोठ कार्यक्रम ल उत्साह ले सुने गीस। गरियाबंद विकासखण्ड के ग्राम जोबा म जिला स्तरीय कार्यक्रम के आयोजन करे गीस, जेमां कलेक्टर श्रुति सिंह अउ प्रशासनिक अधिकारी मन के उपस्थिति म गांव वाले मन ह रमन के गोठ के श्रवण करिन। ए अवसर म कलेक्टर ह गांव वाले मन के समस्या सुनत ऊंखर निराकरण के निर्देश दीन। कार्यक्रम म संयुक्त कलेक्टर ओ.पी. कोसरिया, अनुविभागीय अधिकारी अंकिता सोम, जनपद पंचायत के मुख्य कार्यपानल अधिकारी बी.आर. भगत, जनपद अध्यक्ष चुम्मन बाई सोम, जनपद सदस्य ललित नाग, सरपंच मुकेश बिसेन संग हिरऊ राम पटेल अउर बड़ी संख्या म ग्रामीणजन उपस्थित रहिन।