मुख्यमंत्री ल देव संस्कृति विश्वविद्यालय सांकरा के लोकार्पण समारोह के नेवता

रायपुर, 10 सितम्‍बर 2017। मुख्यमंत्री डॉ. रमन सिंह ले आज इहां ऊंखर निवास कार्यालय म गायत्री कुटुंब के प्रतिनिधि मंडल ह छत्तीसगढ़ बीज अउ विकास निगम के अध्यक्ष अऊ गायत्री शक्तिपीठ के मुख्य प्रबंध ट्रस्टी श्री श्याम बैस के नेतृत्व म मुलाकात करिन। उमन मुख्यमंत्री ल बताइन कि अवइया महिना के 15 तारीक के दिन दुर्ग जिला के सांकरा गांव म नवनिर्मित देव संस्कृति विश्वविद्यालय के लोकार्पण समारोह आयोजित करे जात हे, जेमां गायत्री कुटुंब के प्रमुख डॉ. प्रणव पण्डया घलोक उपस्थित रहिहीं। प्रतिनिधि मंडल ह मुख्यमंत्री ल ए कार्यक्रम मुख्य अतिथि के रूप म सामिल होए के आमंत्रण दीन। उमन मुख्यमंत्री ल बताइन कि ए कार्यक्रम म प्रदेश के सबो जिला मन ले बड़ संख्या म गायत्री कुटुंब के मनखे उपस्थित होहीं। मुख्यमंत्री ह आमंत्रण बर ओ मन ल धन्यवाद देवत कार्यक्रम के सफलता बर शुभकामना दीन। प्रतिनिधि मंडल ह नवा रायपुर म गायत्री नव चेतना केन्द्र बर जमीन देवाए के आग्रह मुख्यमंत्री ले करिन। उमन बताइन कि ए केन्द्र म श्रीराम स्मृति एक्यूप्रेसर गार्डन अउ प्रशिक्षण केन्द्र स्थापित करे जाही। प्रतिनिधि मंडल ह मुख्यमंत्री ल ये घलोक बताइन कि देव संस्कृति विश्वविद्यालय के डॉ. चिनमय पण्डया 18 सितम्‍बर के दिन रायपुर आवत हे। ओ मन 19 सितम्‍बर के दिन सरगुजा जिला के मुख्यालय अम्बिकापुर म आयोजित कई ठन कार्यक्रम म सामिल होहीं। प्रतिनिधि मंडल म गायत्री कुटुंब छत्तीसगढ़ प्रांत के जोन समन्वयक श्री दिलीप पाणिग्रही, गायत्री शक्तिपीठ भिलाई, मुख्य प्रबंध ट्रस्टी अऊ सांकरा म देव संस्कृति विश्वविद्यालय बर जमीन दान देवइया श्री वासुदेव शर्मा अऊ देव संस्कृति विश्वविद्यालय के सदस्य श्री दीपक शर्मा सामिल रहिन।