दिव्यांगजन मन के भवन उंखर जरूरत मन के जइसे होवय: डॉ. संजय अलंग

नेशनल बिल्डिंग कोड के जइसे होही भवन मन के निर्माण
दिव्यांगजन मन के भवन निर्माण बर खांटी जानकार के कार्यशाला संपन्न

रायपुर, 11 सितम्‍बर 2017। दिव्यांगजन मन के भवन उंखर जरूरत के जइसे होवय, समाज कल्याण विभाग के संचालक डॉ. संजय अलंग ह आज इहां समाज कल्याण विभाग के संचालनालय म आयोजित कार्यशाला ल संबोधित करत ये बात कहिन।

आप मन जानतेच होहू कि प्रदेश म दिव्यांगजन मन बर वन स्टॉप सेंटर बनना हे, जेखर लिए तकनीकी खांटी जानकार के कार्यशाला आयोजित करे गइस। कार्यशाला म दिव्यांगजन मन बर दिव्यांग अधिकार अधिनियम 2016 के प्रावधान के जइसे शासकीय भवन मन ल बाधा रहित अउ आपदा प्रबंधन के लइक बनाए म गोठ-बात करे गीस। विभाग के संचालक श्री डॉ.संजय अलंग मेर रायपुर म एक ठन अउ संभाग म दिव्यांग जन मन बर बनत भवन मन के डिजाइन के प्रस्तुतीकरण दिए गीस, जेमां सबो खांटी जानकार मन ले आए सुझाव मन के आधार म भवन मन के डिजाइन म संशोधन करके भवन तैयार करे के निर्णय ले गीस। योजना आयोग के सदस्य श्री पी.पी. सोतीय कोति ले भवन मन के अकतहा मानव संसाधन अउ सेवा मन के उपयुक्तता के व्यवस्था करे के सुझाव दे गीस। अंध व्यक्ति एसोसिएशन के सलाहकार श्री भूषण पुरानी कोति ले गुजरात मॉडल जइसे, भवन मन म जरूरी संशोधन बर प्रस्तुतीकरण दे गीस अउ ‘समर्थन’ दिल्ली कोति ले नेशनल बिल्डिंग कोड के जइसे भवन मन ल दिव्यांगजन मन बर उपयुक्त बनाए बर सुझाव देहे गीस। कार्यशाला म आर्किटेक्ट एसोसिएशन के प्रतिनिधि, भारत सामाजिक अधिकारिता मंत्रालय के अधिकृत एक्सेस, एडीटर सुश्री अंजली अग्रवाल, आई.सी.आर. ले सुश्री चारू शर्मा, सी.आर.सी. राजनांदगांव के श्री राजू, योजना आयोग के सदस्य श्री नीलेश तिवारी समेत विभाग के वरिष्ठ अधिकारीगण उपस्थित रहिन।