सहकारिता मंत्री श्री दयालदास बघेल ले किसान मन अऊ जनप्रतिनिधि मन ह करिन मुलाकात

रायपुर, 12 सितम्‍बर 2017। संस्कृति, पर्यटन अऊ सहकारिता मंत्री श्री दयालदास बघेल ले आज इहां मंत्रालय (महानदी भवन) म राज्य के कई ठन जिला मन ले आये जनप्रतिनिधि मन अऊ किसान मन ह मुलाकात करिन। श्री बघेल ले राज्य सहाकारी विपणन संघ (मार्कफेड) के अध्यक्ष श्री राधाकृष्ण गुप्ता, उपाध्यक्ष श्री शशिकांत द्विवेदी, अध्यक्ष छत्तीसगढ़ राज्य सहकारी संघ के अध्यक्ष श्री लखन लाल साहू, अऊ श्री राजेश तिवारी ह मुलाकात करके राज्य स्तरीय सहकारी सम्मेलन के संबंध म चर्चा करिन। श्री बघेल ले जिला बेमेतरा बरबसपुर के सरपंच श्री रामसागर साहू के संग पंचायत के प्रतिनिधि मन ह क्षेत्र के विकास कार्य अऊ समस्या मन ले अवगत कराइन। जिला बालोद के श्रीमती पुष्पलता बघेल ह क्षेत्रीय समस्या मन के बारे म बताइन। श्री बघेल ले जिला बालोद, दुर्ग अऊ बेमेतरा के किसान मन ह खेती किसानी के कई ठन समस्या मन ले अवगत कराइन अऊ किसान मन ले समर्थन मूल्य म धान खरीदी बर बोनस देहे बर मुख्यमंत्री डॉ. रमन सिंह अऊ सहकारिता मंत्री ल धन्यवाद दीन।