मुख्यमंत्री डॉ. रमन सिंह के अध्यक्षता म आयोजित मंत्रिपरिषद के बैठक म महत्वपूर्ण निर्णय

रायपुर, 12 सितम्‍बर 2017। मुख्यमंत्री डॉ. रमन सिंह के अध्यक्षता म आज इहां मंत्रालय (महानदी भवन) म आयोजित मंत्रिपरिषद के बैठक म बहुत अकन महत्वपूर्ण निर्णय लिए गीस। बैठक के सुरू म मंत्रिपरिषद ह छत्तीसगढ़ के किसान मन ल धान के बोनस देहे के सहमति बर प्रधानमंत्री श्री नरेन्द्र मोदी अऊ राष्ट्रीय अध्यक्ष श्री अमित शाह के प्रति आभार व्यक्त करत धन्यवाद प्रस्ताव पारित करिन।



  • प्रदेश के 21 जिला मन के 96 तहसील मन ल सूखा ग्रस्त घोषित करे के निर्णय: भू-राजस्व माफ
  • खरीफ फसल 2017 के बारे म जिला कलेक्टर मन ले आए नजरी आंकलन के अनुसार 27 म ले 21
  • जिला मन के 96 तहसील मन ल सूखा ग्रस्त घोषित करे के निर्णय ले गीस।
  • सूखा प्रभावित क्षेत्र मन म रोजगारमूलक राहत काम जल्दी शुरू करे जाही।
  • मनरेगा के तहत नाला बंधान काम तुरंते शुरू करे के निर्देश अधिकारी मन ल देहे गीस।
  • सिंचाई नलकूप मन ल बाधारहित बिजली देहे बर ऊर्जा विभाग ल निर्देश देहे गीस।
  • हर एक कुटुंब ल मनरेगा के तहत 100 दिन के जघा 200 दिन के रोजगार देवाए के प्रस्ताव भारत सरकार ल भेजे जाही।
  • राजस्व पुस्तक परिपत्र (आरबीसी 6-4) के प्रावधान के मुताबिक फसल हानि बर अनुदान सहायता सही अनावारी रिपोट आए म दे जाही।
  • भारत सरकार ल विस्तृत मेमोरेण्डम भेजे जाही।
  • प्रधानमंत्री फसल बीमा योजना के तहत किसान मन ल बीमा राशि देवाए जाही।
  • हर एक ग्राम पंचायत म हर जरूरतमंद मनखे बर कम से कम एक क्विंटल चावल सुरक्षित रखे जाही।
  • सूखा प्रभावित तहसील मन म भू-राजस्व ल माफ करे के निर्णय ले गीस।
  • प्रभावित तहसील मन म पेयजल समस्या के निराकरण बर भारत सरकार ल प्रस्ताव भेजे जाही।
  • प्रभावित तहसील मन म बीज अऊ डीजल अनुदान बर भारत सरकार के कृषि मंत्रालय ल प्रस्ताव भेजे जाही।
  • बैठक म लिए गए निर्णय के मुताबिक गरमी के धान के खेती बर नलकूप मन ले सिंचाई पूरा प्रतिबंधित करे जाही।
  • जऊन जिला मन के 96 तहसील मन ल सूखा प्रभावित घोषित करे के निर्णय ले गीस ओमां रायपुर जिला के चार, बलौदाबाजार जिला के छै, गरियाबंद जिला के तीन, महासमुंद जिला के पांच अऊ धमतरी जिला के चार तहसील सामिल हे। दुर्ग जिला के तीन, बालोद जिला के चार, बेमेतरा जिला के पांच, राजनांदगांव जिला के नौ, कबीरधाम जिला के चार, कोण्डागांव जिला के चार, नारायणपुर जिला के दो, कांकेर जिला के सात, दंतेवाड़ा जिला के पांच, बीजापुर के चार, बिलासपुर जिला के आठ, मुगेली के तीन, रायगढ़ के छह, जांजगीर चांपा के चार, कोरबा जिला के एक अऊ कोरिया जिला के पांच तहसील मन सामिल हे।




प्रदेश में सूखा प्रभावित तहसीलों की संख्या

क्रमांक जिला सूखा प्रभावित तहसील कुल संख्या
1 रायपुर रायपुर, तिल्दा, अभनपुर, आरंग 04
2 बलौदाबाजार बलोदाबाजार, सिमगा, भाटापारा, पलारी, कसडोल, बिलाईगढ़ 06
3. गरियाबंद गरियाबंद, छुरा, मैनपुर, 03
4 महासमुंद महासमुंद, बसना, सरायपाली, पिथौरा, बागबहरा 05
5. धमतरी कुरूद, धमतरी, मगरलोड, नगरी 04
6 दुर्ग धमधा, दुर्ग, पाटन 03
7 बेमेतरा बेमेतरा, बेरला, साजा, थान खम्हरिया, नवागढ़ 05
8. बालोद गुण्डरदेही, डौंडी-लोहारा, डौंडी, गुरूर 04
9. राजनांदगांव छुईखदान, खैरागढ़, डोंगरगढ़, राजनांदगावं, छुरिया, अम्बागढ़ चैकी, मोहला, मानपुर, डोंगरगांव 09
10 कबीरधाम कवर्धा, पण्डरिया, बोड़ला, सहसपुर-लोहारा 04
11 कोण्डागांव माकड़ी, फरसगांव, बड़ेराजपुर,केसकाल 04
12 दंतेवाड़ा गीदम, दंतेवाड़ा, कटेकल्याण, कुआकोण्डा, बड़ेबचेली, 05
13 कांकेर कांकेर, चारामा, नरहरपुर, भानुप्रतापपुर, अंतागढ़, पंखाजूर, दुर्गकोंदल 07
14 बिलासपुर बिल्हा, मस्तूरी, मरवाही, कोटा, तखतपुर, बिलासपुर, पेण्ड्रारोड, पेण्ड्रा 08
15 मुगेली मुगेली, लोरमी, पथरिया 03
16 जांजगीर-चांपा जैजेपुर, डभरा, अकलतरा, बलोदा 04
17 कोरबा पाली 01
18 रायगढ़ रायगढ़, सारंगढ़, धर्मजयगढ़, पुसौर, बरमकेला, तमनार 06
19 कोरिया बैकुण्ठपुर, सोनहत, खड़गंवा, मनेन्द्रगढ़, भरतपुर 05
20 नारायणपुर नारायणपुर, ओरछा 02
21 बीजापुर बीजापुर, भोपालपट्नम, भैरमगढ़, उसूर 04
कुल प्रभावित तहसीलों की संख्या 96

धान म प्रोत्साहन राशि (बोनस) देहे के निर्णय

खरीफ साल 2016-17 म सहकारी समिति मन म खरीदे गए धान म किसान मन ल 300 रूपिया प्रति क्विंटल के दर ले प्रोत्साहन राशि देहे जाही। एखर बर कृषि विभाग ह परखर दिशा-निर्देश मन के प्रारूप तैयार करे हे, जेखर अनुमोदन आज केबिनेट के बैठक म करे गीस। ये दिशा निर्देश ए प्रकार हे:

  • प्रदेश के जम्‍मो भू-स्वामी किसान, जेमन खरीफ 2016-17 म सबले कम समर्थन मूल्य म राज्य शासन कोति ले धान उपार्जित करे रहिन, ओ मन एखर पात्र होहीं।
  • खरीफ साल 2016-17 म छत्तीसगढ़ राज्य बीज अउ कृषि विकास निगम के माध्यम ले धान बीज उत्पादन कार्यक्रम म सामिल किसान मन ल घलोक एकर लाभ मिलही।
  • प्रोत्साहन राशि वितरण योजना के क्रियान्वयन खाद्य विभाग कोति ले राज्य सहकारी विपणन संघ (मार्कफेड) के माध्यम ले करे जाही।
  • किसान मन ल पात्रता के मुताबिक धान प्रोत्साहन राशि (बोनस) के भुगतान दीपावली 2017 के पहिली सीधा ऊंखर बैंक खाता म करे जाही।

खरीफ विपणन साल 2017-18 बर समर्थन मूल्य म धान अऊ मक्का उपार्जन अउ कस्टम मिलिंग नीति के अनुमोदन

भारत सरकार के खाद्य विभाग कोति ले खरीफ विपणन साल 2017-18 म औसत अच्छा किसिम (एफ.ए.क्यू.) के धान अऊ मक्का बर समर्थन मूल्य निरधारित करे गए हे। समर्थन मूल्य धान कामन बर 1550 रूपिया, धान ए-ग्रेड बर 1590 रूपिया अऊ मक्का बर 1425 रूपिया प्रति क्विंटल निरधारित हे।

ए दर मन म छत्तीसगढ़ के सहकारी समिति मन के उपार्जन केन्द्र मन म किसान मन ले धान के नगद अऊ लिंकिंग म खरीदी 15 नवम्बर 2017 ले 31 जनवरी 2018 तक करे जाही।

  • मक्का के खरीदी 15 नवम्बर 2017 ले 31 मई 2018 तक करे जाही।
  • एखर संबंध म परखर दिशा-निर्देश खाद्य विभाग कोति ले अलग से जारी करे जाही।
  • दूसर अनुपूरक अनुमान साल 2017-18 के अनुमोदन – बैठक म दूसर अनुपूरक अनुमान साल 2017-18 के अनुमोदन करे गीस।
  • छत्तीसगढ़ कृषि उपज मंडी (संशोधन विधेयक 2017) के प्रारूप के अनुमोदन करे गीस।