मुख्यमंत्री ल बस्तर दशहरा के नेवता

रायपुर, 12 सितम्‍बर 2017। मुख्यमंत्री डॉ. रमन सिंह ले आज इहां मंत्रालय (महानदी भवन) म बस्तर दशहरा आयोजन समिति के प्रतिनिधि मंडल ह लोकसभा सांसद श्री दिनेश कश्यप के नेतृत्व म मुलाकात करिन। प्रतिनिधि मंडल ह मुख्यमंत्री ल बस्तर दशहरा म सामिल होए के आमंत्रण दीन। मुख्यमंत्री ह आमंत्रण बर धन्यवाद दीन अऊ आयोजन के सफलता बर शुभकामना दीन। प्रतिनिधि मंडल म समिति के उपाध्यक्ष श्री लच्छू राम कश्यप संग सर्वश्री राजेश श्रीवास्तव, बोंजाराम, बलराम मांझी, वीरो सिंह, त्रिनश, गंगाराम, अजय पाठक मेम्बरिन श्रीमती कमला श्रीमती धीरजमणी, श्रीमती सोमरी, श्रीमती सोनामनी, कुमारी ममता चौहान, बहुत अकन मुरिया, मांझी, चालकी अऊ मेम्बरिन सामिल रहिन।

लोकसभा सांसद श्री दिनेश कश्यप ह मुख्यमंत्री ल बताइस कि बस्तर दशहरा के पूजा विधान 23 जुलाई ले दंतेश्वरी मंदिर के आघू पाटाजात्रा पूजा विधान के संग चालू हो गए हे, चार सितम्‍बर के दिन सिरहासार भवन म डेरीगड़ाई पूजा विधान के आयोजन करे गीस, 20 सितम्‍बर के दिन काछन गादी पूजा विधान, 21 सितम्‍बर के दिन कलश पूजा विधान अऊ जोगी बिठाई पूजा विधान, के आयोजन करे जाही, 22 सितम्‍बर ले 27 सितम्‍बर तक सबो मंदिर मन म नवरात्रि पूजा अऊ रथ परिक्रमा के आयोजन होही। दंतेश्वरी मंदिर म 28 सितम्‍बर के दिन महाअष्टमी दुर्गा पूजा विधान अऊ रात 11 बजे निशाजात्रा पूजा विधान, 29 सितम्‍बर के दिन कुंवारी पूजा विधान, जोगी उठाई पूजा विधान अउ मावली परघाव पूजा विधान के आयोजन होही, 30 सितम्‍बर के दिन भीतर रैनी पूजा विधान अऊ रथ जात्रा पूजा विधान होही। बाहिर रैनी पूजा विधान के आयोजन एक अकटूबर के दिन कुम्हड़ाकोट म अऊ कुम्हड़ाकोट ले मां दंतेश्वरी मंदिर तक रथ जात्रा पूजा विधान, दू अक्टूर के दिन काछन जात्रा पूजा विधान अऊ 13 अकटूबर के दिन सिरहासार भवन म मंझनिया एक बजे मुरिया दरबार के आयोजन करे जाही।