राज्य महिला आयोग करिस रायपुर जिला के प्रकरण मन के सुनवाई

रायपुर, 13 सितम्‍बर 2017। छत्तीसगढ़ राज्य महिला आयोग कोति ले रायपुर जिला के पंजीकृत प्रकरण मन के सुनवाई 11 अउ 12 सितम्‍बर के दिन आयोग कार्यालय रायपुर म रखे गीस। सुनवाई राज्य महिला आयोग के अध्यक्ष श्रीमती हर्षिता पांडेय अउ सदस्य श्रीमती खिलेश्वरी किरण के संग करे गीस। दुनों दिन म 32 प्रकरण मन म दुनों पक्ष उपस्थित रहिन अउ 8 प्रकरण मन के निराकरण होइस। प्रकरण घरेलू हिंसा, दहेज प्रताड़ना, संपत्ति विवाद, कार्यस्थल म प्रताड़ना, पति पत्नी विवाद, दैहिक शोषण, मारपीट, प्राताड़ना ले संबंधित रहिस।
सुनवाई म एक प्रकरण संपत्ति विवाद के रहिस, जेमां अनावेदक ल पैतृक संपत्ति म तीनों बहिनी ल 12-12 लाख रूपये देहे के निर्देश देहे गीस। संगेच एक आन प्रकरण म रेलवे कर्मचारी अपन पत्नी ल पदेावत रहिस, आयोग के पहल म पत्नी ल संग रखे ल तैयार होइस।