मुख्यमंत्री ले भारतीय राज्य पेंशनर्स महासंघ के प्रतिनिधि मण्डल करिस मुलाकात

पेंशनर मन ल सातवां वेतनमान देहे के आग्रह

रायपुर, 13 सितम्‍बर 2017। मुख्यमंत्री डॉ. रमन सिंह ले आज इहां ऊंखर निवास कार्यालय म प्रदेश के कई ठन पेंशनर्स संगठन मन के प्रतिनिधि मंडल ह भारतीय राज्य पेंशनर्स महासंघ के राष्ट्रीय महामंत्री श्री वीरेन्द्र नामदेव के नेतृत्व म मुलाकात करिन। प्रतिनिधि मंडल ह छत्तीसगढ़ राज्य के पेंशनर मन ल एक जनवरी 2016 ले सातवां वेतनमान के लाभ देवाए के आग्रह करिन। प्रतिनिधि मंडल ह एक जनवरी 2017 ले दू प्रतिशत महंगाई भत्ता अऊ एक जुलाई 2017 ले एक प्रतिशत महंगाई भत्ता के लाभ घलोक पेंशनर मन ल देवाए के आग्रह करिन अऊ ए संबंध म ओ मन ल ज्ञापन सउंपिन। प्रतिनिधि मंडल ह मुख्यमंत्री डॉ. सिंह के नेतृत्व म राज्य सरकार के 5000 दिन पूरा होउ म बधाई अऊ शुभकामना दीन। मुख्यमंत्री ह पेंशनर मन के मांग म सहानुभूतिपूर्वक विचार करे के आश्वासन दीन। प्रतिनिधि मंडल ह पेंशनर्स एसोसिएशन छत्तीसगढ़ के प्रांताध्यक्ष श्री गंगा प्रसाद साहू, भारतीय राज्य पेंशनर्स महासंघ के प्रांताध्यक्ष श्री जे.पी. मिश्रा, छत्तीसगढ़ प्रगतिशील पेंशनर्स कल्याण संघ के प्रांताध्यक्ष श्री ए.एन. शुक्ला, छत्तीसगढ़ पेंशनर्स समाज के प्रांताध्यक्ष श्री चेतन भारती संग सर्वश्री केके वासनिक, अश्वनी कुमार शुक्ला, डॉ. एस.एस. तोमर, आर.से. पटेरिया, सुश्री कलावती पाण्डेय, व्ही. कराटे अऊ योगेश्वर देवान सामिल रहिन।