छत्तीसगढ़ के दू स्कूली लइका मन के तइयार कम्प्यूटर एप्लीकेशन ल मिलीस अंतर्राष्ट्रीय पुरस्कार

मुख्यमंत्री ह दीस बधाई अऊ शुभकामना

रायपुर, 13 सितम्‍बर 2017। छत्तीसगढ़ के दू स्कूली लइका मन के तइयार कम्प्यूटर एप्लीकेशन ल पहली पइत अंतर्राष्ट्रीय स्तर म पुरस्कृत करे गए हे। ए एप्लीकेशन ल तइयार करइया छात्र राजधानी रायपुर के भारतीय विद्या भवन स्कूल के कक्षा 11वीं के छात्र श्रेष्ठ अग्रवाल ह स्कूल के प्राचार्य श्री अमिताभ घोष के संग मुख्यमंत्री डॉ. रमन सिंह ले कल इहां मंत्रालय (महानदी भवन) स्थित ऊंखर कार्यालय कक्ष म मुलाकात करिस अऊ ओ मन ल अपन उपलब्धि मन के बारे म बताइस। मुख्यमंत्री ह ए उपलब्धि बर छात्र श्रेष्ठ अग्रवाल अऊ स्कूल के प्राचार्य ल बधाई अऊ शुभकामना दीन।
मुख्यमंत्री डॉ. सिंह मुख्यमंत्री ल श्रेष्ठ अग्रवाल ह बताइस कि महामारी के नियंत्रण अऊ बचाव के उपाय मन म ऊंखर कोति ले तइयार करे कम्प्यूटर एप्लीकेशन ‘एपेडेमिक बिफोर इट किल्स यू’ ल राष्ट्रीय अऊ अंतर्राष्ट्रीय स्तर म पुरस्कृत करे गए हे। उमन बताइस कि ए कम्प्यूटर एप्लीकेशन ल उमन स्कूल के एक छात्रा समृद्धि के संग मिलके तैयार करे हें। देश के 18 हजार सी.बी.एस.सी. स्कूल मन के राष्ट्रीय स्पर्धा म ऊंखर कम्प्यूटर एप्लीकेशन ल चुने गीस। पाछू साल 22 ले 25 दिसम्बर म पुणे के इनिशिएटिव फॉर रिसर्च अउ इनोवेशन ए साइंस (आई.आर.आई.एस.) नेशनल फेयर ह एला एप ग्रेड जूरी अवार्ड ले सम्मानित करे रहिस। एखर संगेच उमन ए साल 14 ले 19 मई तक अमेरिका के लास एंजेलिस म आयोजित ‘इंटेल इंटरनेशनल साइंस एंड इंजीनियरिंग फेयर (आई.एस.ई.एफ.) म भारत के प्रतिनिधित्व तको करिन। ए साइंस मेला म ऊंखर कम्प्यूटर एप्लीकेशन ल स्पेशल अवार्ड ले सम्मानित करे गीस। मुख्यमंत्री ह ए सफलता बर कम्प्यूटर एप्लीकेशन तइयार करइया पढ़ईया लईका मन अऊ स्कूल के प्राचार्य ल बधाई अऊ शुभकामना दीन।