पंडित दीनदयाल उपाध्याय जन्मशती समारोह : लोक कलाकार मन के तीन दिन के कार्यशाला पूरा

रायपुर, 13 सितम्‍बर 2017। संस्कृति विभाग कोति ले लोक कलाकार मन बर आयोजित तीन दिन के प्रशिक्षण कार्यशाला के सरोना स्थित ठाकुर विघ्नहरण सिंह राजपूत भवन म आज समापन हो गीस। ए प्रशिक्षण कार्यशाला म राज्य के कई ठन जिला मन के 42 लोक कला मंडडी मन ह हिस्सा लीन। राज्य के सबो जिला मन म 15 ले 25 सितम्‍बर तक पंडित दीनदयाल उपाध्याय जन्मशती समारोह आयोजित करे जाही। ए कार्यक्रम मन म लोक कलाकार मन कोति ले सांस्कृतिक प्रस्तुति दे जाही। कलाकार मन ल भरथरी, पंडवानी, लोकमंच, लोकगाथा, कर्मा, कथा वाचन अऊ नाचा संग आन विधा मन म कला प्रशिक्षक मन कोति ले पंडित दीनदयाल उपाध्याय के अंत्योदय के सिद्धांत मन अउ उंखर जीवनगाथा म आधारित प्रशिक्षण दे गीस। प्रशिक्षण के उपरांत चुने गए कलाकार जिला मन म आयोजित होवइया पंडित दीनदयाल उपाध्याय जन्मशती समारोह म अपन प्रस्तुति देहे बर जात हें।