मुख्यमंत्री फेलोशिप बर राज्य के वरिष्ठ अधिकारी मन कोति ले रायपुर म 59 उम्मीदवार मन के इंटरव्यू

रायपुर, 13 सितम्‍बर 2017। भारत के प्रधान मंत्री श्री नरेन्द्र मोदी ह पारदर्शिता अऊ उत्तरदायित्व ल सुशासन के प्रमुख तत्व बताए हें। उमन सबो दूरदर्शी लक्ष्य मन ल पाए म डिजिटल भारत के महत्वपूर्ण भूमिका बताए हें। इही कड़ी ल आगू बढ़ात छत्तीसगढ़ शासन कोति ले प्रशासनिक काम मन म समन्वय अऊ सहयोग बर पेशेवर युवा मन ल जोरे के उद्देश्य ले मुख्यमंत्री सुशासन फेलोशिप कार्यक्रम शुरू करे गए हे। कार्यक्रम के अंतर्गत 42 फेलो मन के चयन करना हे। ए फेलोशिप कार्यक्रम के इच्छुक पेशेवर मन बर आज इहां रायपुर के होटल बेबीलोन इन् म इंटरव्यू आयोजित करिस। जेमां 59 उम्मीदवार मन ह हिस्सा लीन। इंटरव्यू तीन पैनल बनाके संपन्न करिस। पहिली पैनल म श्री अंकित आनंद आईएएस, श्री अन्बलगन पी. आईएएस, प्रो. सुमीत गुप्ता आईआईएम, रायपुर, प्रो. एच. बेक, टिस्स, दुसर पैनल म श्री मुकेश कुमार आईएएस, श्रीमती संगीता पी. आईएएस, प्रो. प्रद्युम्म दाश, आईआईएम, रायपुर अऊ प्रो. सीता प्रभु, टिस्स सामिल रहिन। तीसर पैनल म श्री संजय शुक्ला आईएएस, श्री सिद्वार्थ कोमल परदेशी आईएएस, प्रो. एम. कन्नाधासन, आईआईएम, रायपुर अउ प्रो. अर्चना पराशर सामिल रहिन।

आप मन जानतेच हव, कि एखर ले पहिली नई दिल्ली म 10 सितम्‍बर के दिन इंटरव्यू के आयोजन करिस, जेमा 82 उम्मीदवार मन ह हिस्सा लीन। इंटरव्यू के तीसर अऊ आखरी चरण म बेंगलुरु म दिनांक 17 सितमबर 2017 के दिन 64 उम्मीदवार मन के इंटरव्यू लेहे जाही।

छत्तीसगढ़ इंफोटेक प्रमोशन सोसायटी, चिप्स के मुख्य कार्यपालन अधिकारी श्री एलेक्स पॉल मेनन ह बताइस कि 42 फेलो मन म ले 2 मुख्यमंत्री सचिवालय, 01 मुख्य सचिव कार्यालय, 12 कई ठन विभाग मन अऊ 27 फेलोस राज्य के सबो जिला कलेक्टर कार्यालय मन म काम करहीं। श्री मेनन ह बताइस कि सबो 42 फेलो मन ह प्रशासनिक अधिकारी मन के मित्र, समन्वयक अऊ सहयोगी के रूप म काम करहीं।