स्कूल शिक्षा मंत्री श्री केदार कश्यप ले राष्ट्रीय अल्पसंख्यक आयोग के सदस्य श्री सुनील सिंधी ह मुलाकात करिस

रायपुर, 23 सितम्‍बर 2017। स्कूल शिक्षा मंत्री श्री केदार कश्यप ले आज इहां संझा ऊंखर निवास कार्यालय म राष्ट्रीय अल्पसंख्यक आयोग के सदस्य श्री सुनील सिंधी ह सौजन्य मुलाकात करिस। श्री सिंधी राज्य के अल्पसंख्यक मन के स्थिति जाने अउ शासन से दीए जात लाभकारी योजना मन के पहुंच के जानकारी लेहे कई ठन जिला मन के भ्रमण करत हें। श्री कश्यप ह चर्चा म कहिन कि अल्पसंख्यक मन बर जऊन शासन कोति ले देश अउ प्रदेश स्तर म कल्याणकारी योजना बनाए गए हे, ओखर जानकारी नीचले स्तर के मनखे मन तक पहुंचाए जाय। योजना मन के प्रचार-प्रसार सोशल मीडिया, पावर प्वाइंट प्रेजेन्टेशन आदि नवीन तकनीक मन के माध्यम ले करे जाय, ताकि जादा ले जादा मनखे शासन के योजना मन के लाभ उठा सकंय। ए अवसर म राज्य अल्पसंख्यक आयोग के सदस्य श्री तौकीर रजा, सचिव श्री एम.आर. खान मौजूद रहिन।