धान बोनस बर तैयारी युद्धस्तर म जारी : प्रदेश के तेरा लाख ले जादा किसान मन ल 2100 करोड़ के बोनस मिलही

मुख्यमंत्री डॉ. रमन सिंह के घोषणा के पाछू राज्य के सहकारी समिति मन म किसान मन ल धान के बोनस बांटे के तैयारी युद्धस्तर म चलत हे। मुख्यमंत्री के नेतृत्व म प्रदेश भर म बोनस तिहार मनाए जाही, जिहां किसान मन ल बोनस के राशि दे जाही। छत्तीसगढ़ राज्य सहकारी बैंक (अपेक्स) से साल 2016-17 म प्राथमिक कृषि साख सहकारी समिति मन के उपार्जन केन्द्र मन म धान बेचइया करीबन 13 लाख 28 हजार किसान मन ल करीब 2100 करोड़ रूपिया के बोनस दे बर तैयारी कर ले गए हे। प्रति क्विंटल 300 रूपिया के दर ले बोनस दे जाही। ए किसान मन ह समितिय मन म 69 लाख 59 हजार मीटरिक टन ले जादा धान बेचे रहिन। बस्तर संभाग के सबो सात जिला -बस्तर, बीजापुर, दंतेवाड़ा, कांकेर, कोण्डागांव, नारायणपुर अऊ सुकमा के कुल 94 हजार किसान मन ल 130 करोड़ 09 लाख रूपिया के बोनस मिलही। बिलासपुर संभाग के पांच जिला -बिलासपुर, जांजगीर-चांपा, कोरबा, रायगढ़ अऊ मुंगेली के तीन लाख 34 हजार 594 किसान मन ल 560 करोड़ 15 लाख रूपिया के बोनस दे जाही। दुर्ग संभाग के अंतर्गत बालोद, बेमेतरा, दुर्ग, कवर्धा अऊ राजनांदगांव के कुल तीन लाख 98 हजार किसान मन ल कुल 570 करोड़ 25 लाख रूपिया के बोनस दे जाही। रायपुर संभाग के अंतर्गत बलौदाबाजार, धमतरी, गरियाबंद, महासमुन्द अऊ रायपुर जिला मन के चार लाख 24 हजार 380 किसान मन ल बोनस के रूप म 677 करोड़ 76 लाख रूपिया दिए जाही। सरगुजा संभाग के अंतर्गत बलरामपुर, कोरिया, सूरजपुर, जशपुर अऊ सरगुजा के 76 हजार 320 किसान मन ल 139 करोड़ 48 लाख रूपिया के बोनस मिलही।