मुख्यमंत्री बाल हृदय सुरक्षा योजना ह लहुटाईस गरीब परिवार के खुसी

विश्व हृदय दिवस : मुख्यमंत्री ह लइका मन के माता-पिता ले मोबाइल म बातचीत करके पूछिंन लइका मन के हाल-चाल
भावुक होके माता-पिता ह बताइस ’लहुट आइस ऊंखर लइका मन के हंसत-खेलत बचपन’

मुख्यमंत्री डॉ. रमन सिंह ह विश्व हृदय दिवस के अवसर म मुख्यमंत्री बाल हृदय योजना ले लाभान्वित लइका मन के माता-पिता ले मोबाईल म बातचीत करिन अऊ उंखर से लइका मन के स्वास्थ्य अऊ पढ़ाई-लिखाई के बारे म जानकारी लीन। ये ओ लइका मन रहिन, जिंकर हृदय के आपरेशन सरकारी खरचा म होय हे। मुख्यमंत्री ह ए लइका मन के अभिभावक मन ले बातचीत करके लइका मन के स्वास्थ्य के जानकारी लीन। मुख्यमंत्री बाल हृदय सुरक्षा योजना के अंतर्गत ए लइका मन के हृदय के सफल ऑपरेशन दू ले आठ साल के समय बीत गए हे। मुख्यमंत्री ह ए लइका मन ल स्वस्थ, सुदीर्घ अऊ खुशहाल जीवन बर अपन आशीर्वाद प्रदान करिन।
दुर्ग के मोतीपारा निवासी श्री अमृत यादव ह अपन मोबाइल म मुख्यमंत्री के अवाज सुनके अचंभित रहि गे। मुख्यमंत्री ह ओ मन ल बताइस कि आज विश्व हृदय दिवस हे। ए मौका म ओ मन मुख्यमंत्री बाल हृदय सुरक्षा योजना ले लाभान्वित लइका मन के माता-पिता ले बातचीत करके लइका मन के स्वास्थ्य के बारे म जानकारी लेवत हें। मुख्यमंत्री ह श्री यादव ले ऊंखर बेटा सागर के हालचाल पूछिन। सागर के पिता श्री अमृत यादव फल-सब्‍जी के दुकान लगाथे। सागर के माता गृहणी हे। मुख्यमंत्री ह श्री यादव ले ये घलोक पूछिंन कि सागर स्कूल जावत हे या नइ। सागर के हृदय के ऑपरेशन पांच साल पहिली करे गए रहिस। सागर अब 10 साल के हो गए हे।
श्री यादव ह मुख्यमंत्री ल बताइस कि सागर पूरा स्वस्थ हे अऊ स्कूल गए हे। मुख्यमंत्री ह उंखर ले कहिन कि सागर के पढ़ई-लिखई म ध्यान देवव अऊ ओखर भविष्य संवारव। मुख्यमंत्री ले बातचीत के समय अमृत यादव भावुक हो गईस। उमन सागर के हृदय के ऑपरेशन बर राज्य सरकार कोति ले देहे सहायता बर मुख्यमंत्री के प्रति आभार प्रकट करिन। उमन कहिन कि ऊंखर लिए अपन बेटा के हृदय के ऑपरेशन कराना बहुत कठिन काम रहिस, फेर सरकार के मदद ले ओखर बेटा अब पूरा स्वस्थ हे अऊ सामान्य लइका मन के जइसे खेलथे-कूदथे।
मुख्यमंत्री ह बेमेतरा जिला के नवागढ़ विकासखंड के मुरता गांव के श्री शीतल साहू ले मोबाइल म उंखर बेटी मानसी साहू के स्वास्थ्य के जानकारी लीन। मानसी जब छै महिना के रहिस, तब ऊंखर हृदय के ऑपरेशन होए रहिस। अभी मानसी तीन साल के हो गए हे। श्री शीतल साहू अऊ उंखर धर्मपत्नी दुनों ही रोजी-मजूरी के काम करथें। श्री शीतल साहू ह मुख्यमंत्री ल बताइस कि ऑपरेशन के बाद मानसी सामान्य लइका मन के जइसे स्वस्थ हे। अवइया साल ले ओ मन मानसी ल स्कूल पढ़े भेजेंहीं। उमन मुख्यमंत्री ल धन्यवाद देवत कहिन कि राज्य सरकार के योजना ले ऊंखर छोटे से कुटुंब म खुशि लहुअ आए हे।



मुख्यमंत्री ह सूरजपुर जिला के प्रतापपुर विकासखंड के गांव गोरखपुर बस्ती कलारी निवासी श्री श्याम बिहारी ल फोन लगाके ऊंखर बेटा आशुतोष के स्वास्थ्य के हालचाल पूछिन। आशुतोष जब चार साल के रहिस, तब ओखर ऑपरेशन श्री बालाजी अस्पताल म होय रहिस। अभी हाल म आशुतोष 12 साल के हो गए हे अऊ पूरा स्वस्थ हे। श्री श्याम बिहारी 10वी बटालियन सिलफिली म कांस्टेबल के पद म कार्यरत हे। मुख्यमंत्री ह श्री श्याम बिहारी ले आशुतोष ल पढ़ा-लिखाके अफसर बनाए ल कहिन।
बस्तर जिला के मुख्यालय जगदलपुर के मोहम्मद मईम खान ह मुख्यमंत्री ल मोबाईल म बताइस कि उंखर बेटी आफरीन निशा के हृदय के सफल ऑपरेशन दू साल पहिली रायपुर के एस्कार्ट अस्पताल म होय रहिस। तब आफरीन दू साल के रहिस। ऑपरेशन के बाद अब वो पूरा स्वस्थ हे। अवइया साल ले ओ मन आफरीन ल स्कूल भेजहीं। आफरीन के पिता छोटे ठेकेदार हे, जऊन घर मन म प्लास्टर ऑफ पेरिस के काम करथे। आफरीन के मां मुख्यमंत्री ले बातचीत के समय भावुक हो गीस। उमन मुख्यमंत्री ले कहिन कि आप मन मोर बेटी ल अच्छा कर देव। ओला अपन आशीर्वाद देवव। मुख्यमंत्री ह कहिन कि ओखर आशीर्वाद हमेशा आफरीन के संग हे। आफरीन के पढ़ाई लिखई म ध्यान देवव अऊ सामान्य लइका मन के जइसे ही खेलन-कूदन देवव। आफरीन के माता-पिता ह मुख्यमंत्री के प्रति आभार प्रकट करिन।
मुख्यमंत्री डॉ. रमन सिंह ह अइसनहे बेमेतरा जिला के नवागढ़ विकासखंड के ग्राम मुरता निवासी श्री शीतल साहू ले दूरभाष म चर्चाकरके उंखर पुत्री कु. मानसी साहू के स्वास्थ्य के संबंध म जानकारी लीन। राज्य सरकार के मुख्यमंत्री बाल हृदय सुरक्षा योजना के अंतर्गत साढ़े छः महिना के आयु म कु. मानसी साहू के हृदय के आपरेशन एम.एम.आई. नारायणा हॉस्पिटल रायपुर म निःशुल्क होए रहिस। मुख्यमंत्री डॉ. रमन सिंह के पूछे म मानसी के पिता श्री शीतल साहू ह बताइस कि मानसी के तबीयत अभी ठीक हे। अभी ओकर आयु तीन साल आठ महिना हे। उंखर स्वास्थ्य म कोनो प्रकार के दिक्कत नइ हे। कोनो प्रकार के दिक्कत आए म एम.एम.आई. के डॉक्टरों ह फेर जांच कराए बर हॉस्पिटल लाय ल कहे हें, फेर अइसन नौबत अभी नइ आए हे। मुख्यमंत्री जी ह शीतल साहू ल अवगत कराइन कि हृदय के एक बार ऑपरेशन होए के बाद दुबारा दिक्कत आए के संभावना बहुत कम रहिथे, फेर कहूं कोनो प्रकार के परेशानी होए म ओ मन एम.एम.आई. के डॉक्टर मन ले निःशुल्क उपचार करा सकत हे। उमन मानसी ल अवइया साल अध्ययन बर स्कूल भेजे के घलोक सलाह दीन। चर्चा के समय मुख्यमंत्री जी ल शीतल साहू ह अवगत कराइन कि वो गांव म रोजी-मजदूरी के काम करथें। कुटुंब म अपन पत्नी के अलावा माता-पिता अऊ भाई के संग रहे के बात उनम कहिन। उमन सत्यापन के समय राशनकार्ड निरस्त होए म नवा राशनकार्ड बनाए बर मुख्‍यमंत्री ल अनुरोध करिन। मुख्यमंत्री जी ह शीतल ल भरोसा देवाइन के ओखर नवा राशनकार्ड बर कलेक्टर ल कहि दे जाही। मुख्यमंत्री कोति ले अपन बेटी के स्वास्थ्य के संबंध म जानकारी लेहे म खुशी ले प्रफुल्लित शीतल साहू ह बताइस कि 2 अगस्त 2014 के दिन साढ़े छः महिना के आयु म उंखर बेटी मानसी के हृदय के ऑपरेशन होए रहिस। आज मानसी स्वस्थ अऊ तंदरूस्थ हे। उमन एखर बर मुख्यमंत्री बाल हृदय सुरक्षा योजना अऊ मुख्यमंत्री जी के अहसान ल जिन्दगीभर नइ भूलाए के बात कहिन। शीतल ह ये घलोक बताइस कि आजेच ऊंखर तिर जिला मुख्यालय बेमेतरा स्थित खाद्य विभाग के अधिकारी मन के घलोक फोन आए रहिस। उमन अवगत कराइन कि राशनकार्ड उंखर माता श्रीमती कमला बाई के नाम ले बनाए गए रहिस, फेर से नवा राशनकार्ड बनाए बर ओ मन ल आधारकार्ड लेके 3 अकटूबर के दिन खाद्य विभाग के कार्यालय म बलाए हें। उमन नवा राशनकार्ड बने अउ छ.ग. खाद्य सुरक्षा योजना ले अपन कुटुंब के जुड़े म खुशी के ईजहार करत शासन-प्रशासन ल धन्यवाद ज्ञापित करिन।