मुख्यमंत्री डॉ. रमन सिंह के प्रदेश के जनता ल दीपावली के सौगात

दसेला के दिन ले स्वास्थ्य स्मार्ट कार्ड म 50 हजार रूपिया तक निःशुल्क इलाज के सुविधा
प्रदेश के 55.62 लाख परिवार ल मिलही लाभ

मुख्यमंत्री डॉ. रमन सिंह से प्रदेश के जनता ल दीपावली के सौगात देवत स्वास्थ्य स्मार्ट कार्ड ले निःशुल्क इलाज के सुविधा 30 हजार रूपिया ले बढ़ाके 50 हजार रूपिया कर देहे हे। एक अकटूबर 2017 ले ये प्रभावशील हो जाही। प्रदेश के 55 लाख 66 हजार परिवार ल एकर लाभ मिलही।
स्वास्थ्य विभाग ले मिले जानकारी के अनुसार राष्ट्रीय स्वास्थ्य बीमा योजना अऊ मुख्यमंत्री स्वास्थ्य बीमा योजना के स्मार्ट कार्ड धारक परिवार ल 50 हजार रूपिया तक मान्यता प्राप्त अस्पताल मन म इलाज के सुविधा एक अकटूबर 2017 ले मिलही। पंजीकृत अस्पताल म उपचार कराए बर भर्ती होए म राज्य के हर एक स्मार्ट कार्ड धारक कुटुंब के पांच सदस्य मन ल हर साल 50 हजार रूपिया तक नगद रहित उपचार के सुविधा होही। स्मार्ट कार्ड ले उपचार कराए के समय कोनो प्रकार के समस्या या शिकायत होए म संबंधित जिला के मुख्य चिकित्सा अउ स्वास्थ्य अधिकारी या टोल फ्री नम्बर 104 म सम्पर्क करे जा सकत हे।