मानव सेवा के काम सबो बर अनुकरणीय : राज्यपाल श्री टंडन

श्री सत्य साई बाबा संगठन कोति ले आयोजित भक्त सम्मेलन के शुभारंभ

राज्यपाल श्री टंडन ए हप्‍ता के तीन तारीख के दिन राजधानी रायपुर म श्री सत्य साई बाबा संगठन कोति ले आयोजित भक्त सम्मेलन के शुभारंभ अवसर म भक्त मन ल सम्बोधित करिन। कार्यक्रम म श्री सत्य साई बाबा संगठन के अखिल भारतीय अध्यक्ष श्री निमिष पण्डया, उपाध्यक्ष श्री एन रमणी, राष्ट्रीय समन्वयक बाल विकास कार्यक्रम श्रीमती कमला पण्डया, प्रांताध्यक्ष श्री भारत झंवर संग बहुत अकन राष्ट्रीय पदाधिकारी अऊ बड़ संख्या म भक्तगण उपस्थित रहिन।
राज्यपाल श्री टंडन ह कहिन कि मनुष्य तन दुर्लभ हे। हमार ग्रंथ मन म घलो कहे गए हे कि मनुष्य तन देवता म न बर घलोक दुलर्भ हे। गीता म कहे गए हे कि जऊन पैदा होय हे वो जाही त हम अच्छा सार्थक काम करके जावंन। श्री सत्य साई बाबा ह मनुष्य जीवन ल सार्थक करे बर सेवा के संदेश देहे हे।