मुख्यमंत्री-विधानसभा अध्यक्ष ह डॉ. अम्बेडकर के प्रतिमा म करिस माल्यार्पण

मुख्यमंत्री डॉ. रमन सिंह अऊ विधानसभा अध्यक्ष श्री गौरीशंकर अग्रवाल ह ए हप्‍ता के तीन तारीख के दिन मंझनिया जिला मुख्यालय बलौदाबाजार म बोनस तिहार के अवसर म कलेक्टोरेट परिसर म भारतीय संविधान के बनइया बाबा साहब डॉ. भीमराव अम्बेडकर के प्रतिमा म माल्यार्पण करके ओ मन ल विनम्र श्रद्धांजलि अर्पित करिन। मुख्यमंत्री के संग बोनस तिहार म कृषि मंत्री श्री बृजमोहन अग्रवाल, खाद्य अउ नागरिक आपूर्ति मंत्री श्री पुन्नूलाल मोहले, पंचायत अऊ ग्रामीण विकास मंत्री श्री अजय चन्द्राकर, लोकसभा सांसद श्रीमती कमलादेवी पाटले, बिलाईगढ़ के विधायक अऊ अनुसूचित जाति विकास प्राधिकरण के उपाध्यक्ष डॉ. सनम जांगड़े, भाटापारा के विधायक अऊ राज्य खनिज विकास निगम के अध्यक्ष श्री शिवरतन शर्मा, राज्य सहकारी बैंक के अध्यक्ष श्री अशोक बजाज, राज्य बीज अऊ कृषि विकास निगम के अध्यक्ष श्री श्याम बैस अऊ अध्यक्ष जिला पंचायत बलौदाबाजार श्रीमती पूनम मारकण्डेय संग बहुत अकन जनप्रतिनिधि घलोक सामिल होइन।