बोनस तिहार 2017 बलौदाबाजार: मुख्यमंत्री ह करिन प्रदेश व्यापी बोनस तिहार के शुभारंभ

किसान मन के मेहनत ले ही राज्य प्रगति के तरफ अग्रसर : डॉ. रमन सिंह

मुख्यमंत्री डॉ. रमन सिंह ह ए हप्‍ता के तीन तारीख के दिन कहिन कि छत्तीसगढ़ सरकार गांव-गरीब अऊ किसान मन के सरकार हे। किसान अन्नदाता हे, उंखर मेहनत अऊ ऊंखर पसीना के बलबूता ही राज्य ह अनाज उत्पादन म आत्मनिर्भर बनत हे। डॉ. सिंह ह कहिन किसान अऊ मजदूर छत्तीसगढ़ राज्य के असली बनइया हे, जिंकर मेहनत ले प्रदेश सरलग प्रगति करत हे। मुख्यमंत्री ह जिला मुख्यालय बलौदाबाजार म प्रदेश व्यापी बोनस तिहार के शुरूआत करत ए आशय के विचार व्यक्त करिन। ये आयोजनों म किसान मन ह मुख्यमंत्री के जोशीला स्वागत अऊ अभिनंदन करिन।
डॉ. सिंह ह बलौदाबाजार के बोनस तिहार म एक लाख 09 हजार किसान मन के खाता म 166 करोड़ 68 लाख रूपिया के बोनस राशि के ऑनलाइन भुगतान करिन। डॉ. सिंह ह बलौदाबाजार म 194 करोड़ रूपिया अऊ बिलासपुर के कार्यक्रम म 388 करोड़ रूपिया के निर्माण काम मन के लोकार्पण, भूमिपूजन अऊ शिलान्यास घलव करिन।



मुख्यमंत्री के संग बलौदाबाजार के बोनस तिहार म विधानसभा अध्यक्ष श्री गौरीशंकर अग्रवाल, खाद्य अउर नागरिक आपूर्ति मंत्री श्री पुन्नूलाल मोहले, कृषि मंत्री श्री बृजमोहन अग्रवाल, पंचायत अऊ ग्रामीण विकास मंत्री श्री अजय चन्द्राकर, लोकसभा सांसद श्रीमती कमलादेवी पाटले, बिलाईगढ़ के विधायक अऊ अनुसूचित जाति विकास प्राधिकरण के उपाध्यक्ष डॉ. सनम जांगड़े, भाटापारा के विधायक अऊ राज्य खनिज विकास निगम के अध्यक्ष श्री शिवरतन शर्मा, राज्य सहकारी बैंक के अध्यक्ष श्री अशोक बजाज, राज्य बीज अऊ कृषि विकास निगम के अध्यक्ष श्री श्याम बैस अऊ अध्यक्ष जिला पंचायत बलौदाबाजार श्रीमती पूनम मारकण्डेय संग बहुत अकन जनप्रतिनिधि अउर हजारों के संख्या म किसान उपस्थित रहिन। ए अवसर म किसान मन कोति ले बड़का फूलमाला पहिनाके मुख्यमंत्री के अभिनंदन करिन।