बोनस तिहार 2017 अम्बिकापुर: मुख्यमंत्री ह करिस 270 निर्माण काम मन के लोकार्पण-भूमिपूजन

मुख्यमंत्री डॉ. रमन सिंह ह ए हप्‍ता जिला मुख्यालय अम्बिकापुर म आयोजित बोनस तिहार के अवसर म सरगुजा जिला के जनता ल करीबन एक सौ करोड़ रूपिया ले जादा के 270 निर्माण काम मन के सौगात दीन। उमन एमां ले 13 करोड़ 25 लाख रूपिया के परा हो गए 18 निर्माण काम मन के लोकार्पण अऊ 97 करोड़ 92 लाख रूपिया के नवा स्वीकृत 252 निर्माण काम मन के भूमिपूजन अऊ शिलान्यास करिन। उमन बोनस तिहार म कॉलेज मैदान म आयोजित समारोह म 18 हजार 759 किसान मन ल सहकारी समिति मन म साल 2016 के धान के विक्रय म करीबन 32 करोड़़ 08 लाख रूपिया के बोनस राशि के ऑनलाइन वितरण करिन। कृषि मंत्री श्री बृजमोहन अग्रवाल, गृह, जेल अऊ लोक स्वास्थ्य यांत्रिकी मंत्री श्री रामसेवक पैकरा, श्रम अऊ खेल मंत्री श्री भईयालाल राजवाड़े, लोकसभा सांसद श्री कमलभान सिंह, राज्य सभा सांसद श्री रामविचार नेताम अऊ अम्बिकापुर के विधायक अऊ विधानसभा के नेताप्रतिपक्ष श्री टी.एस. सिंहदेव, लुण्ड्रा के विधायक श्री चिंतामणि महाराज अऊ अध्यक्ष जिला पंचायत सरगुजा श्रीमती फुलेश्वरी सिंह, अध्यक्ष जिला पंचायत बलरामपुर श्रीमती पुष्पा नेताम अऊ हस्तशिल्प बोर्ड के पहिली अध्यक्ष श्री अनिल सिंह मेजर संग बहुत अकन वरिष्ठ जनप्रतिनिधि अउर कई ठन संस्थाओें के पदाधिकारी अऊ शासन-प्रशासन के वरिष्ठ अधिकारी उपस्थित रहिन।