बोनस तिहार 2017 राजनांदगांव अऊ कबीरधाम: अन्नदाता मन के मेहनत ले ही उबजथे फसल अऊ भरथे दुनिया के पेट: डॉ. रमन सिंह

मुख्यमंत्री डॉ. रमन सिंह ह कहें हें कि किसान हमार अन्नदाता हें। गर्मी, बरसात अऊ ठंड म उंखर कड़ा मेहनते ले फसल उबजथे अऊ दुनिया के भूख मिटाय बर अनाज मिलथे। ते खातिर किसान छत्तीसगढ़ सरकार के सर्वोच्च प्राथमिकता म हे। किसान मन के सहयोग अऊ समर्थन ले ही हम तीन पइत सरकार बनाएन अऊ जनता के सेवा अउ किसान मन के मदद करे के हमला मौका मिलीस।



मुख्यमंत्री ए हप्‍ता बोनस तिहार के अवसर म राजनांदगांव जिला के डोंगरगढ़ अऊ कबीरधाम जिला के मुख्यालय कवर्धा म हजारों के संख्या म आए किसान मन, मजदूर अऊ आम नागरिक मन ल संबोधित कररत रहिन। किसान मन ह दुनों कार्यक्रम म मुख्यमंत्री के शानदार स्वागत अऊ अभिनंदन करिन। डॉ. रमन सिंह ह दुनों जिला मन के एक लाख 65 हजार किसान मन ल 255 करोड़ रूपिया के धान बोनस के ऑन लाइन वितरण करिन। मुख्यमंत्री कोति ले लेपटाप म किलिक करतेच कुछ मिनट के भीतर बोनस के ये पूरा पइ सा किसान मन के बैंक खाता मन म जमा हो गीस।
बोनस तिहार के डोंगरगढ़ के कार्यक्रम म मुख्यमंत्री के संग लोक निर्माण मंत्री श्री राजेश मूणत, लोक सभा सांसद श्री अभिषेक सिंह, विधायक श्रीमती सरोजनी बंजारे, छत्तीसगढ़ राज्य भण्डार गृह निगम के अध्यक्ष श्री नीलू शर्मा, राज्य अनुसूचित जाति आयोग के अध्यक्ष श्री रामजी भारती, समाज कल्याण बोर्ड के अध्यक्ष श्रीमती शोभा सोनी, 20 सूत्रीय कार्यक्रम समिति के उपाध्यक्ष श्री खूबचंद पारख, जिला सहकारी केन्द्रीय बैंक के अध्यक्ष श्री सचिन बघेल, पाठ्य पुस्तक निगम के पहिली अध्यक्ष श्री अशोक शर्मा, नागरिक आपूर्ति निगम के पहिली अध्यक्ष श्री लीलाराम भोजवानी, अध्यक्ष राज्य उर्दू अकादमी श्री अकरम कुरैशी, संग कई ठन संस्था मन के पदाधिकारी उपस्थित रहिन।