अमर अग्रवाल ह जीएसटी परिषद के बैठक म दीन कई महत्वपूर्ण सुझाव

केन्द्रीय वित्त मंत्री श्री अरूण जेटली के अध्यक्षता म ए हप्‍ता म नई दिल्ली म आयोजित जीएसटी परिषद के बैठक म छत्तीसगढ़ के वाणिज्य अऊ उद्योग मंत्री श्री अमर अग्रवाल ह कई महत्वपूर्ण सुझाव दीन। श्री अग्रवाल ह कहिन कि डेढ़ करोड़ रूपिया ले कम टर्नओव्हर व्यापारी मन बर रिटर्न दाखिल करे के मासिक प्रावधान ल तिमाही करे जाना उचित होही। श्री अग्रवाल ह ए बात म खुशी जताईन कि केन्द्र सरकार ह छोटे व्यापारी मन के सुविधा बर सूक्ष्म, छोटे अऊ मध्यम (एमएसएमई) श्रेणी के तहत कम्पोजिशन लिमिट 75 लाख रूपिया ले बढ़ाके एक करोड़ वार्षिक कर दे गए हे। उन म जादा बोझ मत परय एखर बर रिवर्स चार्ज ल मार्च 2018 तक निलंबित कर देहे हे।