मुख्यमंत्री के अध्यक्षता म मंत्रिपरिषद के बैठक : कई महत्वपूर्ण निर्णय

ए हप्‍ता मुख्यमंत्री डॉ. रमन सिंह के अध्यक्षता म ऊंखर निवास कार्यालय म आयोजित मंत्रिपरिषद के बैठक म कई महत्वपूर्ण निर्णय लेहे गए गे, जऊन ए प्रकार हे:-
राज्य के 18 मार्ग मन म चलही वातानुकूलित नान स्टॉप बस
राजधानी बस सेवा के अन्तर्गत परिवहन विभाग कोति ले प्रस्तावित 18 मार्ग मन म वातानुकूलित एक्सप्रेस अऊ नान स्टॉप यात्री वाहन मन ल एक साल बर देय मासिक टैक्स म 50 प्रतिशत के छूट दे जाही। ये वाले छूट छत्तीसगढ़ मोटर योन कराधान अधिनियम 1991 के धारा 21 के तहत दे जाही। प्रस्तावित मार्ग ए प्रकार हे -1. रायपुर ले अम्बिकापुर (स्टापेज-बिलासपुर अऊ बिलासपुर हाईकोर्ट) 2. रायपुर ले बैंकुण्ठपुर (स्टापेज-बिलासपुर अऊ बिलासपुर हाईकोर्ट) 3. रायपुर ले कोरबा (स्टापेज-बिलासपुर अऊ बिलासपुर हाईकोर्ट) 4. रायपुर ले बिलासपुर (स्टापेज- बिलासपुर हाईकोर्ट) 5. रायपुर ले जांजगीर-चांपा (स्टापेज-बिलासपुर अऊ बिलासपुर हाईकोर्ट) 6. रायपुर ले रायगढ़ (स्टापेज- बिलासपुर हाईकोर्ट) 7. रायपुर ले सारगढ़ (स्टापेज-बालोदाबाजार) 8. रायपुर ले महासमुंद (नान स्टॉप ) 9 रायपुर ले गरियाबंद (नान स्टॉप) 10. रायपुर ले धमतरी (नान स्टॉप ) 11. रायपुर ले कांकेर (नान स्टॉप ) 12. रायपुर ले जगदलपुर (स्टापेज- कोंडागांव ) 13. रायपुर ले बालोद (स्टापेज-दुर्ग ) 14. रायपुर ले दुर्ग (नान स्टॉप ) 15. रायपुर ले राजनांदगांव (नान स्टॉप ) 16. रायपुर ले बेमेतरा (नान स्टॉप ) 17 रायपुर ले मुंगेली (नान स्टॉप ) 18. रायपुर ले कवर्धा (स्टापेज -बेमेतरा)



सबो विभाग मन म सामान खरीदी भारत सरकार के जेम पोर्टल के संग करे जाही
मंत्रिपरिषद ह शासन के सबो विभाग मन म कार्यालयीन उपयोग के सामान खरीदे बर भारत सरकार के जेम वेब पोर्टल के उपयोग करे के घलोक निर्णय लीस। अभी हाल म सबो विभाग ह राज्य सरकार के भंडार क्रय नियम 2002 के पालन करत रहिन। भारत सरकार के डीजीएसएनडी कोति ले संचालित वेब पोर्टल गवर्मेंट ई-मार्केट प्लेस (जेम) के उपयोग करे बर राज्य शासन के वाणिज्य अउ उद्योग विभाग कोति ले भण्डार क्रय नियम म संशोधन करके जरूरी प्रावधान करत 5 जुलाई 2017 के दिन अधिसूचना जारी करे हे। मंत्रिपरिषद ह आज ए वेब पोर्टल के उपयोग करे बर राज्य शासन के वाणिज्य अउ उद्योग विभाग अऊ जेम, भारत सरकार वाणिज्य अऊ उद्योग मंत्रालय के बीच एमओयू करे के घलोक निर्णय लीस।
लोकसेवा आयोग म अध्यक्ष अऊ सदस्य नियुक्ति के अनुमोदन
मंत्रिपरिषद के बैठक म छत्तीसगढ़ लोक सेवा आयोग म अध्यक्ष के पद म श्री के.आर. पिस्दा अऊ सदस्य के पद म डॉ. मोतीलाल बाचकर के नियुक्ति के अनुमोदन करे गीस।