बोनस तिहार 2017 रायपुर: मुख्यमंत्री के हाथ 93 हजार ले जादा किसान मन ल 141 करोड़ के धान बोनस

मुख्यमंत्री डॉ. रमन सिंह ह आज रायपुर जिला के खरोरा म आयोजित बोनस तिहार म जिला के 93 हजार ले जादा किसान मन ल करीबन 141 करोड़ रूपिया के धान बोनस के ऑनलाइन वितरण करिन। उमन चिनहा स्वरूप कई किसान मन ल बोनस के प्रमाण पत्र घलोक संउपिन। कार्यक्रम म कृषि अऊ जल संसाधन मंत्री श्री बृजमोहन अग्रवाल, खाद्य अऊ नागरिक आपूर्ति मंत्री श्री पुन्नूलाल मोहले, लोकसभा सांसद श्री रमेश बैस, राज्यसभा सांसद डॉ. भूषणलाल जांगड़े, धरसींवा के विधायक श्री देवजी भाई पटेल, आरंग के विधायक श्री नवीन मारकण्डेय, रायपुर (उत्तर) के विधायक श्री श्रीचंद सुंदरानी, राज्य सहकारी बैंक (अपेक्स बैंक) के अध्यक्ष श्री अशोक बजाज, कृषि अऊ बीज विकास निगम के अध्यक्ष श्री श्याम बैस, छत्तीसगढ़ वित्त आयोग के अध्यक्ष श्री चंद्रशेखर साहू, पूर्व सांसद सुश्री सरोज पाण्डेय अऊ कई ठन संस्था मन के बहुत अकन वरिष्ठ पदाधिकारी, पंचायत मन के पदाधिकारी अउ बड़ संख्या म किसान अऊ ग्रामीणजन उपस्थित रहिन।
मुख्यमंत्री ह बोनस तिहार म जनता ल सम्बोधित करत खरोरा म शासकीय कॉलेज भवन के स्वीकृति प्रदान करे के घोषणा करिन। उमन खरोरा नगर पंचायत के मिनी स्टेडियम म आयोजित समारोह म करीबन 61 करोड़ रूपिया के निर्माण काम मन के लोकार्पण, भूमिपूजन अऊ शिलान्यास करिन, जेमा नगर पंचायत खरोरा बर 19 करोड़ 33 लाख रूपिया के लागत ले स्वीकृत पेयजल आवर्द्धन योजना अऊ सिंचाई काम मन बर 24 करोड़ 18 लाख रूपिया के लागत ले महानदी सिंचाई परियोजना के मुख्य नहर के लाइनिंग काम के भूमिपूजन घलोक सामिल हे।