सूखा राहत बर मिलिस दस करोड़ रूपिया

किसान मन ह मुख्यमंत्री ले मिलके दीन धन्यवाद

मुख्यमंत्री डॉ. रमन सिंह ले इहां खल्लारी क्षेत्र के विधायक श्री चुन्नीलाल साहू के नेतृत्व म महासमुंद जिला के पिथौरा विकासखण्ड के किसान मन के प्रतिनिधि मण्डल ह ए हप्‍ता मुलाकात करिन। उमन मुख्यमंत्री ल बताइन कि साल 2016-17 के सूखा राहत बर दस करोड़ रूपिया के आबंटन जारी हो गए हे अऊ पिथौरा अउ बागबाहरा क्षेत्र के ओड़िशा ले लगे गांव मन के किसान मन ल एकर वितरण घलोक शुरू हो गए हे। प्रतिनिधि मंडल ह मुख्यमंत्री ल ए बर धन्यवाद दीन। मुख्यमंत्री के विशेष पहल म ए किसान मन ल पाछू दस दिन ले सूखा राहत के राशि सिंचित जमीन बर प्रति हेक्टेयर 13 हजार 500 रूपिया अऊ असिंचित जमीन बर छह हजार 800 रूपिया प्रति हेक्टेयर के मान ले देहे जात हे। पिथौरा विकासखण्ड म किसान मन ल करीबन साढे छह करोड़ रूपिया अऊ बागबाहरा म चार करोड़ रूपिया के राशि वितरित करे जात हे, जेखर से किसान अड़बड़ खुश हे। प्रतिनिधिमंडल म सर्वश्री राधेश्याम अग्रवाल, विवेकानंद सिंह ठाकुर, साधराम पटेल, मनोहर साहू, नीलकण्ठ साहू, हेमंत चंद्राकर अऊ इंदल मांझी घलोक सामिल रहिन।