बोनस तिहार दुर्ग: मुख्यमंत्री के जोरदार स्वागत

बोनस तिहार अन्नदाता मन ल समर्पित: डॉ. रमन सिंह
मुख्यमंत्री ह 66 हजार किसान मन के खाता मन म डारिन 106 करोड़ रूपिया के बोनस

धान के बोनस मिले म प्रदेश के किसान मन म भारी उत्साह देखे जात हे। किसान मन ह ए हप्‍ता के दस तारीख के दिन जिला मुख्यालय दुर्ग के नवीन कृषि उपज मंडी प्रांगण म आयोजित बोनस तिहार म मुख्यमंत्री डॉ. रमन सिंह के जोरदार स्वागत अऊ अभिनंदन करिन। डॉ. सिंह ह उहां जिला के 66 हजार किसान मन ल 106 करोड़ रूपिया के धान बोनस ऑन लाइन बांटिस। ए अवसर म राजस्व अऊ उच्‍च शिक्षा मंत्री श्री प्रेमप्रकाश पाण्डेय, महिला अउ बाल विकास मंत्री श्रीमती रमशीला साहू, लोक निर्माण मंत्री श्री राजेश मूणत, संसदीय सचिव श्री लाभचंद बाफना, विधायक सर्वश्री सांवलाराम डहारे, अवधेश चंदेल अऊ विद्यारतन भसीन, पूर्व सांसद सुश्री सरोज पाण्डेय संग कई वरिष्ठ जनप्रतिनिधि उपस्थित रहिन।