किसान श्री चुनुराम के मन के संउख होइस पूरा

बालोद जिला के ग्राम छिटा पनकापारा पोस्ट बिजाभाटा के किसान श्री चुनुराम के कहना हे कि देवारी के पहिली बोनस मिले ले वोखर मन के बात पूरा हो गीस। ओ ह ए पइसा के उपयोग घरेलू जरूरी काम म करहीं अउ बांच जाही त कृषि के पैदावर बढ़ाए बर उपयोगी काम म लागाहीं। चुनू ह सरकारी योजना मन के बेरा-बेरा म लाभ लेत रहीथे। बोनस मिले ले ऊंखर परिवार ल अच्‍छा भोजन मिलही अउ अब ओ मन ल लांघन नइ रहना परय। उमन सरकार कोति ले शून्य प्रतिशत ब्याज म करजा देवई ल बहुत ही उपयोगी कदम बताइन।
ऊंखर कुटुंब म कुल छै सदस्य हें। ऊंखर तिर तीन एकड़ खेत हे उही उंखर आजीविका के साधन हे। उमन बताइन कि पाछू साल 42 क्विंटल धान उमन बेचे रहिन, जेखर ओला 12 हजार 600 रूपिया बोनस मिलीस। चुनुराम मगन होके कहत हें कि कई ठन सरकारी अनुदान मन ले कृषि उपकरण घलोक आसानी ले किसान मन ल मिलत हे। अब प्रदेश के किसान घलोक जागरूक हो गए हे अऊ सरकारी योजना मन के लाभ लेहे ले पैदावार बाढ़े लगे हे।