मुख्यमंत्री ह राजनांदगांव जिला म 28 दिसम्बर ले आयोजित जम्बूरी के सी.डी. के करिस विमोचन

रायपुर, 28 अकटूबर 2017। मुख्यमंत्री डॉ. रमन सिंह ह आज इहां अपन निवास कार्यालय म राजनांदगांव जिला के ग्राम सोमनी म आयोजित होवइया तीसर राज्य स्तरीय स्काउट-गाईड जम्बूरी 2017 के कार्यक्रम मन ले संबंधित सी.डी. के विमोचन करिस। ए मउका म स्कूल शिक्षा मंत्री श्री केदार कश्यप ह बताइस कि छै दिन के जम्बूरी के आयोजन 28 दिसम्बर 2017 ले दू जनवरी 2018 तक करे जाही।




ये मां छत्तीसगढ़ के सबो जिला मन संग आन राज्य मन ले 26 हजार 116 प्रतिभागी हिस्सा लिहीं। जम्बूरी म आन राज्य मन ले अंताजन दू हजार प्रतिभागी सामिल होहीं। ये मां सामिल प्रतिभागी मन म ले सबले जादा बालोद जिला ले दू हजार 704 प्रतिभागी भाग लिहीं। ए अवसर म भारत स्काउट्स अउ गाइड्स छत्तीसगढ़ के राज्य मुख्य आयुक्त श्री गजेन्द्र यादव ह ग्राम सोमनी म आयोजित जम्बूरी म 28 दिसम्बर ले होवइया हरेक दिन के कार्यक्रम मन के बारे म जानकारी दीन।