लोक निर्माण मंत्री श्री मूणत ह मीडिया सिटी-रायपुर म 68 लाख के पहुंच मार्ग के करिस भूमि पूजन

रायपुर, 05 नवम्बर 2017। लोक निर्माण मंत्री श्री राजेश मूणत ह आज राजधानी रायपुर स्थित मीडिया सिटी म 700 मीटर पहुंच मार्ग निर्माण के भूमि पूजन करिस। एकर निर्माण लोक निर्माण विभाग कोति ले स्वीकृत 68 लाख 11 हजार रूपिया के राशि ले करे जाही। ए बेरा म श्री मूणत ह वार्ड वासियों ले रूबरू हो मोहल्ला म बिजली अउ पानी आदि सुविधा मन के बारे म घलोक जानकारी ली। उमन मीडिया सिटी म पहुंच मार्ग के निर्माण के गुणवत्ता के संग आगामी महिना जनवरी 2018 तक पूर्ण करे के निर्देश दीन। श्री मूणत ह भूमि पूजन कार्यक्रम म सम्बोधित करते होइन कहिन कि राजधानी रायपुर के नये स्वरूप म तेजी ले विकास होए लगा हे। इहां रायपुर नगर के हर पारे मोहल्ले म जनसुविधाओं के जइसन सड़क, बिजली अउ पानी आदि बर तत्परता ले काम कराये जा रहय हे। श्री मूणत ह ए विकास काम मन नगरवासियों संग पत्रकारों के सहयोग के घलोक सराहना के। कार्यक्रम ल मीडिया सिटी के वरिष्ठ नागरिक अउ पत्रकारों ह घलोक सम्बोधित करिस अऊ वहां पहुंच मार्ग के निर्माण ल मोहल्ला बर एक अच्छी सुविधा के होना बताइस। ए बेरा म नगर पालिक निगम के सभापति श्री प्रफुल्ल विश्वकर्मा अऊ पत्रकार सर्वश्री के.के. शर्मा, श्री भोला राम सिन्हा, श्री प्रकाश शर्मा, श्री मोहन राव अउ बड़ संख्या नागरिक मन उपस्थित रहिन।