श्रम मंत्री श्री राजवाड़े ह हरी झंडी देखाके करिस एक संग 10 एंबुलेंस ल स्वास्थ्य केंद्र मन बर रवाना

कोरिया 05 नवम्बर 2017। प्रदेश के श्रम, खेल अउ युवा कल्याण मंत्री श्री भईयालाल राजवाड़े ह जिला स्तरीय राज्योत्सव के अवसर म जिला मुख्यालय स्थित शासकीय आदर्श रामानुज उच्चत्तर माध्यमिक विद्यालय के मिनी स्टेडियम म 3 नवंबर को हरी झंडी देखाके एक संग 10 एंबुलेंस ल स्वास्थ्य केंद्र मन बर रवाना करिस। उमन बताइन कि 10 एंबुलेंस कई ठन स्वास्थ्य केंद्र म पहुचे ले जरूरतमंद मनखे मन ल तुरते स्वास्थ्य सुविधा मिलहि। उमन बताइन कि स्वास्थ्य सुविधा के बेहतरी बर जिला खनिज संस्थान न्यास के राशि ले एंबुलेंस बिसाये गए हे। उमन बताइन कि एंबुलेंस जिला अस्पताल बैकुण्ठपुर, सामुदायिक स्वास्थ्य केंद्र पटना, मनेन्द्रगढ़, सोनहत, खडगवां अउ जनकपुर अउ प्राथमिक स्वास्थ्य केंद्र पोंडी बचरा, सलका, कोटाडोल अउ प्राथमिक स्वास्थ्य केंद्र केल्हारी क्षेत्र के मनखे मन ल स्वास्थ्य सुविधा देहि। उमन बताइन कि पहिली निरधारित संख्या म एंबुलेंस नइ होए के कारण जरूरतमंद मनखे मन ल स्वास्थ्य सुविधा बर स्वास्थ्य केंद्र आए जाय म दिक्कत होत रहिस। अब ओ मन ल आए जाय म कोनो दिक्कत नइ होही अऊ ओ मन समय म अपन स्वास्थ्य उपचार करा सकही। जिला म एक संग 10 एंबुलेंस के चालू होए म कई ठन सामाजिक संगठन मन के प्रतिनिधि मन ह श्रम मंत्री श्री राजवाडे अऊ कलेक्टर श्री नरेंद्र कुमार दुग्गा ल धन्यवाद ज्ञापित करिन अऊ उमन एला स्वास्थ्य के क्षेत्र म एक बडका उपलब्धि बताइन। ए बेरा म मनेन्द्रगढ क्षेत्र के विधायक श्री श्यामबिहारी जायसवाल, वरिष्ठ नागरिक श्री तीरथ प्रसाद गुप्ता, जिला के पुलिस अधीक्षक श्री विवेक शुक्ला, जिला पंचायत के मुख्य कार्यपालन अधिकारी श्रीमती तुलिका प्रजापति, मुख्य चिकित्सा अउ स्वास्थ्य अधिकारी श्री एस.एस.पैकरा, श्रम कल्याण बोर्ड के सदस्य श्री राजेष साहू, नगर पालिका षिवपुर चरचा के पहिली उपाध्यक्ष श्री राजेष सिंह, संग श्री कृष्ण बिहारी जायसवाल, श्री रामधन देवांगन मौजूद रहिन।