स्वास्थ्य मंत्री श्री चन्द्राकर ह ‘चलित खाद्य परीक्षण वाहन’ ल हरी झंडी देखाके करिस रवाना

रायपुर, 07 नवम्बर 2017। राज्य सरकार मिलावटी जिनिस म रोकथाम अऊ मनखे मन ल शुद्ध खाये के समान अउ पिये के समान मिले ए खातिर तकनीकी सुविधा के सहयोग ले वत हे। स्वास्थ्य अउ परिवार कल्याण मंत्री अजय चन्द्राकर ह आज इहां अपन निवास कार्यालय म खाये के समान मन के उहिच जघा जांच अउ परीक्षण बर ‘वातानुकुलित चलित वाहन’ ल हरी झंडी देखाके रवाना करिस। ए मौका म श्री चन्द्राकर ह कहिन कि ये खाद्य अउ औषधि प्रशासन के सराहनीय कदम हे। प्रदेश के मनखे मन ल सेहतमंद खाद्य पदार्थ मिले ए खातिर बेहतर प्रयास हे। एखर से जागरूकता के संग मनखे मन ल शुद्ध पेय अउ खाद्य पदार्थ मिलही अऊ मिलावटी म घलोक लगाम लगेगी।
ये वाले खाद्य परीक्षण चलित वाहन खाद्य अउ औषधि प्रशासन विभाग कोति ले संचालित करे जात हे। एखर वाहन के लागत लगभग एक करोड़ रूपिया हे। ए खाद्य परीक्षण चलित वाहन म खाद्य जिनिस के जांच के अत्याधुनिक तकनीकी मशीन स्थापित हे। ए चलित वाहन के जरीए प्रदेश के सबो जिला मन अऊ विकासखण्ड मन म घूम-घूम के खाये के जिनिस के दुकान मन म खाद्य जिनिस के गुणवत्ता के जांच करे जाही।