शराब-बीयर के विक्रय म अब बिल देना होही जरूरी: श्री अमर अग्रवाल

रायपुर, 7 नवम्बर 2017। शराब अऊ बीयर के बिक्री म अब मदिरा दुकान मन कोति ले रसीद (बिल) दे जाही। आबकारी अधिकारी मन के ये जिम्मेदारी होही कि सबो ग्राहक मन ल अनिवार्य रूप ले रसीद दे जाय। रसीद देना स्वैच्छिक नहीं अनिवार्य होही, ग्राहक चाहे एखर मांग करय या मत करय। आबकारी मंत्री श्री अमर अग्रवाल ह आज इहां आबकारी विभाग के काम-काज के समीक्षा करत ये व्यवस्था सुनिश्चित करे के निर्देश दीन। उमन कहिन कि मदिरा के सही कीमत ले जादा दर म बिक्री संग आन संभावित गड़बड़ि मन म अंकुश लगाय म बिल ले मदद मिलही। आबकारी आयुक्त श्री ए.के.अग्रवाल संग विभागीय वरिष्ठ अधिकारी अऊ जिला मन ले आए सहायक आयुक्त बैठक म उपस्थित रहिन। विदेशी मदिरा के बिक्री म ए महीना के पहली तारीक ले रसीद देहे के काम शुरू कर दे जाही। बीयर म कल 8 तारीक ले अऊ देशी मदिरा म 20 नवम्बर ले रसीद देहे के काम शुरू कर दे जाही। रसीद नइ मिले म एखर शिकायत आबकारी विभाग के टोल फ्री नम्बर म करे जा सकत हे।