राज्यपाल श्री टंडन बाल महोत्सव के समापन समारोह म आमंत्रित

रायपुर, 07 नवम्बर 2017। राज्यपाल श्री बलरामजी दास टंडन ले आज इहां राजभवन म डॉ. एम. गीता, सचिव, महिला अउ बाल विकास ह भेंट करके ओ मन ल बाल महोत्सव के समापन समारोह म मुख्य अतिथि बतौर आमंत्रित करिन।
डॉ. गीता ह बताइस कि राज्य के सबो बाल गृह मन म निवासरत लइका मन बर चार दिन के बाल महोत्सव ‘उल्लास-3’ राजधानी रायपुर म आयोजित करे जात हे, जेमां भाषण, निबंध लेखन सांस्कृतिक प्रतियोगिता आदि होही। ये महोत्सव 08 नवंबर ले 11 नवंबर तक आयोजित करे जाही। उमन विभाग/स्वयंसेवी संस्था मन कोति ले संचालित बाल गृह मन के संबंध म विस्तृत जानकारी दीन। प्रदेश म 80 बाल गृह संचालित हे, जेमा अंदाजन 2000 लइका निवासरत हे। ए बाल गृह मन ल राज्य शासन कोति ले अनुदान देहे जात हे। राज्यपाल ह विभाग कोति ले करे जात काम मन के सराहना करिन।