मुख्यमंत्री ल भेंट करे गीस नदिया मन के पुनरूत्थान के अनुशंसा के पुस्तक

रायपुर 07 नवम्बर 2017। मुख्यमंत्री डॉ. रमन सिंह ले आज इहां मंत्रालय (महानदी भवन) स्थित ऊंखर कार्यालय कक्ष म ईशा फाउंडेशन के स्वयंसेवी डॉ. संगीता अग्रवाल ह सौजन्य मुलाकात करिन। उमन सद्गुरू कोति ले स्थापित ईशा फाउंडेशन के भारत के नदिया मन के पुनरूद्धार बर खांटी जानकार के सहायता ले तैयार कर के बनाये गए नीति के प्रारुप अऊ अनुशंसा मन के पुस्तक मुख्यमंत्री ल भेंट करिन। मुख्यमंत्री ह ए खातिर धन्यवाद दीन। डॉ. अग्रवाल ह ईशा फाउंडेशन कोति ले नदिया मन के पुनरूथान बर चलाये गये ’नदी अभियान (रैली फॉर रिवर) जन-जागरूकता कार्यक्रम’ म राज्य सरकार कोति ले देहे गए सहयोग बर ईशा फाउंडेशन के तरफ ले मुख्यमंत्री ल धन्यवाद पत्र सौंपिन। डॉ. अग्रवाल ह मुख्यमंत्री ल बताइस कि नदिया मन म साल भर पानी रहय ए खातिर नदिया मन के दुनों पार म एक किलोमीटर के चौड़ाई म सघन वृक्षारोपण करे जाय अऊ दुनों पार म फल के खेती ल प्रोत्साहित करे के अनुशंसा खांटी जानकार मन प्रमुख रूप ले करें हे। आप मन जानतेच हव कि नदिया मन के पुनरूथान बर ईश फाउंडेशन कोति ले जन-जागरूकता रैली ल ए साल तीन सितमबर के दिन कोयम्बटुर म केन्द्रीय पर्यावरण अउ वन मंत्री डॉ. हर्षवर्धन ह हरी झण्डी देखाके रवाना करे रहिन। ईशा फाउंडेशन के संस्थापक सद्गुरू ह खुद रैली के नेतृत्व करे रहिन। उमन देश के 16 राज्य मन म 142 ले जादा जन सभा लीन अऊ रैली म 9300 किलोमीटर के सफर तय करिन।