राज्यपाल श्री टंडन ले हिंदी ग्रंथ अकादमी के संचालक ह करिस भेंट

रायपुर, 08 नवम्बर 2017। राज्यपाल श्री बलरामजी दास टंडन ह कहिन कि आन भारतीय भाषा मन म प्रकाशित पुस्तक मन ल हिंदी म प्रकाशित करे के काम घलोक छत्तीसगढ़ राज्य हिंदी ग्रंथ अकादमी कोति ले करे जाना चाही। उमन अकादमी कोति ले करे जात काम मन के सराहना करिन। राज्यपाल श्री टंडन ले आज इहां राजभवन म छत्तीसगढ़ राज्य हिंदी ग्रंथ अकादमी के संचालक श्री शशांक शर्मा ह भेंट करके अकादमी कोति ले प्रकाशित पुस्तक भेंट करिन, जेमा प्रमुख रूप ले छत्तीसगढ़ जिला गजेटियर (वर्ष 1900 ले 1930 म प्रकाशित पुस्तक के फिर से प्रकाशन), पं. दीनदयाल उपाध्याय के व्यक्तित्व म आधारित पुस्तक, पं. सुंदरलाल शर्मा के कृतित्व म आधारित पुस्तक आदि सामिल हे।