मुख्यमंत्री डॉ. सिंह ले बिलासपुर संभाग के 567 पंच-सरपंच मन करिन मुलाकात

रायपुर, 10 नवम्बर 2017। मुख्यमंत्री डॉ. रमन सिंह ले इहां ऊंखर निवास परिसर म हमर छत्तीसगढ़ योजना के तहत राजधानी रायपुर के भ्रमण म पहुंचे बिलासपुर संभाग के 50 ग्राम पंचायत मन के पंच-सरपंच मन ह मुलाकात करिन। उमन सबो पंचायत प्रतिनिधि मन ले चर्चा करत भ्रमण म प्राप्त अनुभव मन ल ओ मन ल अपन गांव के अऊ बेहतर ढंग ले विकास करे म उपयोग बर कहिन। भ्रमण दल म बिलासपुर, मुंगेली अऊ जांजगीर-चाम्पा जिला के 567 पंचायत प्रतिनिधि सामिल रहिन।




ए अवसर म सक्ती विधानसभा क्षेत्र के विधायक डॉ. खिलावन साहू ह घलोक सम्बोधित करिन। कार्यक्रम म पंचायत प्रतिनिधि मन श्रीमती अन्नपूर्णा सूर्यवंशी, श्रीमती अनिता राजपुत, बिन्देश्वरी वर्मा, श्री राजाराम पटेल, श्रीमती गायत्री बाई, श्री दीपक ठाकुर अउ श्री रामलाल पटेल आदि ह घलोक राजधानी रायपुर भ्रमण के अनुभव मन ल साझा करिन।