राज्यपाल ले अमेरिका के कौंसुल जनरल ह करिन सौजन्य भेंट

रायपुर, 21 नवंबर 2017। राज्यपाल श्री बलरामजी दास टंडन ले आज इहां राजभवन म अमेरिका के मुंबई स्थित कौंसुल जनरल श्री एडगर्ड डी. कागन के नेतृत्व म प्रतिनिधि मंडल ह सौजन्य भेंट करिन। ए अवसर म राज्यपाल के सचिव श्री एस. के. जायसवाल, सुश्री क्रिस्टेन स्वार्जकॉफ, सुश्री आयशा खान उपस्थित रहिन। राज्यपाल श्री टंडन ह श्री कागन के छत्तीसगढ़ आगमन म स्वागत करिन अउ ओ मन ल चिनहा भेंटकरके सम्मानित करिन। श्री कागन ह घलोक ओ मन ल कौंसुलेट के तरफ ले चिनहा भेंटकरके सम्मानित करिन अऊ मुंबई स्थित अमेरिकन कौंसुलेट म आए के नेवता दीन।