भारत अतंर्राष्ट्रीय व्यापार मेला छत्तीसगढ़ के स्टाल मन म उमडि़स आगंतुक मन के भीड़

रायपुर, 21 नवम्बर 2017। नई दिल्ली के प्रगति मैंदान म भारत अंतर्राष्ट्रीय व्यापार मेला म छत्तीसगढ़ के स्टाल मन म इहां अवइया आगंतुक मन ह विशेष रूचि देखावत हें। मेला म छत्तीसगढ़ ह अपन परम्परागत आदिवासी संस्कृति, कला जेमां विशेषकर बस्तर के शिल्पकला ल आमजन मन बर कई ठन तइयार उत्पाद मन के माध्यम ले प्रस्तुत करे गए हे।



मेला म छत्तीसगढ़ ले आये स्वयंसेवी समूह मन जेमा नवयुवक बुनकर संघ, योगिता कोसा बुनकर संघ, अमन हर्बल आदि कई ठन समूह मन ह मेला म अपन उत्पाद मन ल बिक्री बर रखे हें। मेला म छत्तीसगढ़ पर्यटन मण्डल कोति ले स्टाल म अवइया मनखे ल छत्तीसगढ़ के प्राकृतिक, एतिहासिक अउ संस्कृतिक स्थल मन के जानकारी देहे जात हे। भारत अंतर्राष्ट्रीय मेंला 14 नवंबर ले सुरू होए हे जऊन 27 नवम्बर तक चलही। भारत अंतर्राष्ट्रीय व्यापार मेला के ए साल के थीम ‘स्टार्टअप इंडिया-स्टैंडअप इंडिया‘ के जइसे, छत्तीसगढ़ ह घलोक थीम बनाए हे कि कऊन प्रकार र्स्टाअप इंडिया के जइसे राज्यशासन सुविधा अउ सहयोग मुहैंय्या करवावत हे।