मनखे मन के समस्या मन ले रू-ब-रू होए डभरा पहुंचिन प्रभारी मंत्री श्री चन्द्राकर

जांजगीर-चांपा, 22 नवंबर 2017। पंचायत अउ ग्रामीण विकास, लोक स्वास्थ्य अउ परिवार कल्याण मंत्री अऊ जिला के प्रभारी श्री अजय चन्द्राकर आज जनसपंर्क कार्यक्रम के तहत डभरा स्थित अग्रसेन भवन म मनखे मन ले मिलिन अऊ उंखर समस्या मन ले रू-ब-रू होइन। ए अवसर म लोकसभा सांसद श्रीमती कमला देवी पाटले, छत्तीसगढ़ विधानसभा के पहिली अध्यक्ष श्री नारायण प्रसाद चंदेल, कलेक्टर डॉ. एस. भारतीदासन, पुलिस अधीक्षक श्री अजय यादव, जिला पंचायत सीईओ श्री अजीत वसंत, वनमण्डलाधिकारी श्रीमती सतोविशा समाजदार, आन जनप्रतिनिधि अउ अधिकारी उपस्थित रहिन।




प्रभारी मंत्री श्री चन्द्राकर ह कहिन कि ओ मन मनखे मन के समस्या मन के हल करे के उद्देश्य ले ऊंखर बीच आये हें। ए मौका म पूरन सरल, घनश्याम चन्द्रा, चमार सिंह पटेल संग बहुत अकन मनखे मन ह अपन समस्या, मांग अऊ निर्माण काम संबंधी आवेदन प्रभारी मंत्री ल दीन। आए सबो आवेदन मन के निराकरण बर श्री चन्द्राकर ह अधिकारी मन ल निर्देशित करिन। अस्थायी जाति प्रमाण पत्र बर प्रस्तुत एक आवेदन म उमन तहसीलदार ल नियम के अनुसार कार्रवाई करे के निर्देश दीन। श्री चन्द्राकर ह उहां अधिकारी मन के बैठक लेके क्षेत्र के काम मन के समीक्षा घलोक करिन। उमन अधिकारी मन ले कहिन कि उचित काम बर मनखे मन कोति ले आए आवेदन मन के जल्दी निराकरण करे जाए। उमन कहिन कि कहूं योजना या नियम के तहत आवेदक पात्र हे त प्रकरण बिल्कुल लंबित झन राखे जाय।




श्री चन्द्राकर ह करिन 1.34 करोड़ के विकास काम मन के लोकार्पण अऊ भूमिपूजन
पंचायत अउ ग्रामीण विकास मंत्री श्री चन्द्राकर ह अग्रसेन भवन डभरा म एक करोड़ 34 लाख रूपये के लागत के दस विकास कार्य मन के लोकार्पण अऊ भूमिपूजन करिन। एमां 72 लाख 40 हजार रूपया के लागत के पांच लोकार्पण काम म सराईपाली, निमोही, बिलाईगढ़, खुरघट्टी म नवा पंचायत भवन अऊ सपोस म पूर्व माध्यमिक शाला भवन निर्माण सामिल हे। अइसनहे 61 लाख 80 हजार के लागत के पांच भूमिपूजन काम म पेण्डरवा, खैरा, कुसमुल, छोटे बिलासपुर कुसमुल अऊ संकरपाली म प्राथमिक शाला भवन निर्माण सामिल हे।